Luke 7:13 - Loina Tabu Auwauna NT

¹³ Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Luke 7:13 Kruisverwysings

Maki 8:2

“Tomota getedi ya'atenuwa 'ole'oleyedi manuna ni'atu 'asiyata 'etoi bada ma'egwao 'amiyami ta nigeya 'adi masulamo.

Luke 10:1

Tuta gete mulinaya, Yesu 'aina wate 'ana tomuliyao 'iesinuwedi, sebeniti 'adi yau, ga 'eluwa 'eluwa 'ietune nuganedi 'aina 'asa 'ediya be toni'asa sigibubudi Yesu 'ina mai 'ediya manuna.

Luke 11:1

'Ebweu tuta Yesu tebweuna sena 'ebweuna 'ena 'isidasida. 'Ina sidasida mulinaya 'ina tononoyao sieonena, sigwae, “'Inapwana, sidasida 'ue'itama, nadigega Yoni 'ina tononoyao sidasida 'ie'ita'esedi.”

Luke 11:39

Ta Yesu ni'atu Palisi nina 'ina nuwanuwa 'imwalatonina, 'enega 'ena 'igwae, “'Omi Palisiyao 'atuwa nadigega keiga be gaeba, manuna gwaumimo wa'utu'utudi, ta solami 'imaa 'ai'aila 'anawala be bubuna to'umalidi 'ediyega.

Luke 12:42

'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Luke 13:15

Ta Yesu ni'atu 'inonona, ga maibo'adi 'ediya 'igwae, “Kabokabomi, manuna 'omi 'imi bubuna Sabate 'ebweuna 'ebweuna 'ediya 'imi yobaiyao maibo'adi 'adi 'aliyega wali'ali'amidi ta siapweapwesa 'atamanaya 'adi bwasi sabi numa.

Luke 17:5

'Enega Yesu 'ana tosimanao nidi sieonena, sigwae, “'Ima emisa 'uda giewaiwaiye.”

Luke 17:6

Ta 'inapwana nina 'igwae, “'Eguma 'imi emisa 'ana waiwai nadigega beno atuna, sawesawemiya be kaiwe gete sinabwana 'ena wada ona be wagwae, ‘'Uetodabuyo be olaya tauyo 'uasoyo,’ 'imi ona nina 'iematamatane.”

Luke 18:6

'Enega Yesu wate 'ieonedi, 'igwae, “'Inapwana gete 'ina ona manuna wada nuwanuwa. Ona'ai'aila tauna tai to'umalina ta esi kwabula 'ilemena.

Luke 19:8

Ta Sakiusa nina 'itoolo ga Yesu 'ieonena, 'igwae, “'Inapwana, batuwa 'enega 'igu gwegwe maibo'ana yada 'upwaluwe be 'ana tupwa maibo'ana togomabeso yada 'ebwa'edi. Ta wate 'abo yaita 'enega lowa ya'ewagesi, yada yotuli ta 'ana loeposeyana ata nadigega ya'ebwa'e.”

Luke 22:61

'Enega Yesu 'isanaila ga Pita 'iduneyena, ga gote 'ena Pita 'inuwa'i'isina 'inapwana nina 'ina ona tuta nina 'igwae, “Batuwa, muliyega be kakaleko 'igwagwane ta 'oyo 'uda gimi eyaseyaseyasegu matoi.”

Luke 24:3

'Enega 'ali'ali nina solanaya silugu, ta 'inapwana Yesu kokowana nigeya si'ita'ita.

Luke 24:34

ta taudi Yesu manuna sionaona, sigwae, “Saimoni ni'atu 'Inapwana 'i'itena, mwawasega 'itoolo limana.”

Luke 7:12

'Imai 'asa selabenaya ga tomwawasa ma 'ana to'aalao 'ilobedi siapweapwesama 'asa nina 'enega. Tomwawasa nina kwabula natuna, 'ebweunamo tuga. 'Enega kwabula nina boda sinabwana ma'enao sitautauya sabi sa'u 'ali'ali.

Luke 7:14

'Enega 'inao ga tomwawasa nina 'ana wadu 'igitoona ta to'aala nidi sitoolo enono. Ga Yesu 'igwae, “Tubuwau, 'utoolo.”

Luke 7:19

'Enega 'ina tononoyao 'eluwa 'ibwauyedi ga 'ieonedi, 'igwae, “Watauya be 'inapwana nina waenaide, nai tauna To'etosena nina manuna yaonaona, nai mali tai wate tada yamwa?”

Luke 8:52

Ta boda anuwaya 'etamo tuga sidedoi ta wate si'ewabamu gwama manuna. 'Enega Yesu 'i'etobodedi, 'igwae, “Tuwa! Dedoi walosa'u. Manuna gwama nigeya 'imwawamwawasa, ta esi 'i'eno mwataya tuga.”

Yoni 11:2

Ta Meli nina tauna ma'etamo Yesu 'aena 'ida bunamidi be 'uya'uyanega 'ida lo'i'ili.

Yoni 11:3

Ta tuta nina nuudina Lasalo 'ile'oasa ga taudi nuunao nidi ale sietunena Yesu 'ena, sigwae, “'Inapwana, gosiyamuna ni'atu 'ile'oasa.”

Yoni 20:13

'Enega siteluwa nidi Meli sieonena, sigwae, “To'ase manuna 'udedoi?” Ga 'ieonedi, “'Igu 'Inapwana 'ali'aliyega si'ewa apwesena ga nigeya yamwalamwalatoni mane 'ena sisa'una.”

Yoni 20:15

Ta Yesu Meli 'ienaidena, 'igwae, “Waine, to'ase manuna 'udedoi? Ta yaita 'u'ebe'ebese?” Ta Meli 'ina nuwanuwa 'aene bagula nina 'ana to'ita'i'ita, 'enega 'ena 'igwae, “'Inapwana, 'eguma 'oyo 'u'aala apwesena, 'uda eonagu mane 'ena 'usa'una, be yada 'ewalima.”

Yoni 4:1

Yesu 'ina giebapitaisoega 'ana tomuliyao yaudi 'ilobedi ta Yoni 'ana tomuliyao nigeya yaudi.

Yoni 6:23

'Asiyata nina 'ena Taibilia 'enega waga 'aidi simai, ga sena nina 'ena boga Yesu pwalu beledi 'enega 'ie'enidi selabenaya silugu.

1 Kolinita 7:30

Ta 'omi todedoi wada bubuna nadigega taudi nigeya sidedoi, ta wate 'omi togwausowala wada bubuna nadigega tonuwamwau. Nadigega wate 'omi toegimwane wada bubuna nadigega gomagomabesodi,

1 Tesalonaika 4:13

Gosemao geya'abo waemwagemwage tokwaiyao manudi, be 'enega 'abo yaita tasidai 'ikwakwaiya, geya'abo wanuwanuwa mwau, 'atuwa taudi nigeya 'idi emisamo toololimana manuna.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.