Luke 7:12 - Loina Tabu Auwauna NT

¹² 'Imai 'asa selabenaya ga tomwawasa ma 'ana to'aalao 'ilobedi siapweapwesama 'asa nina 'enega. Tomwawasa nina kwabula natuna, 'ebweunamo tuga. 'Enega kwabula nina boda sinabwana ma'enao sitautauya sabi sa'u 'ali'ali.

Luke 7:12 Kruisverwysings

Luke 7:11

Ta nigeya tuta dudulana mulinaya, Yesu 'itauya 'ebweu 'asa 'enaya, 'ana esana Neini. Ta 'ina tononoyao be wate boda sinabwana si'oayabuna.

Luke 7:13

Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Luke 8:42

be natugu 'ile'oasa sinabwana 'ugie bobo'ane. Tauna tuga 'ebweuna namo natuguna, 'ana yakwala tuwelo, anuwaya 'i'eno'eno, tuta gidalina be 'imwamwawasa.” 'Enega ma'iyana sitauya. Ta ni'atu Yailo ma'iyana 'edaya sitautauya ta boda sinabwana simuliyedi, ta siegigigila.

Luke 8:52

Ta boda anuwaya 'etamo tuga sidedoi ta wate si'ewabamu gwama manuna. 'Enega Yesu 'i'etobodedi, 'igwae, “Tuwa! Dedoi walosa'u. Manuna gwama nigeya 'imwawamwawasa, ta esi 'i'eno mwataya tuga.”

Yoni 11:19

'enega me Yudia yaudi ma idi 'atenuwa'ole'ole simai be 'aene Malida be Meli nuwadi tupwana sida giebobo'anedi nuudina manuna.

Guinuwa 9:39

'Enega Pita 'itoolo ga ma'edi simai Yopa 'ena. 'Enega toekalesiyao Pita si'au'ewena anuwa nina solanaya. Ta kwabulao yaudi Pita sitoolo sakowasiyena ta sidedoi, ta 'adi 'oamao sie'itaena manuna lowa Dokasa tuta mayawasina 'adi 'oamao nidi 'iguinuwedi, ga 'i'ebwa'edi, ga sigwae, “'Oama getedi tauna Dokasa 'ana saisailao lowa mayawasinaya ma'emai 'amiyami.”

Guinuwa 9:41

Ta Pita nimanaya 'igiyaina ga 'igietoolona. 'Enega kwabulao be toekalesiyao nidi 'ibwauyedima, ga Tabita mayawasina 'ie'itaena 'ediya.

Yemesa 1:27

Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.