Luke 6:15 - Loina Tabu Auwauna NT

¹⁵ Madiu be, Tomasi be mali Yemesa tauna Alipio natuna, ta wate mali Saimoni, tauna togewana 'ebeloina manuna,

Luke 6:15 Kruisverwysings

Madiu 9:9

'Enega Yesu sena gete 'ipilisinena ga 'itauya, ga tai 'ebweuna 'i'itena, 'ana esana Madiu, takisi 'ana anuwa 'ebe paisewa solanaya 'imiyami, 'enega 'ieonena, 'igwae, “Madiu, 'umuliyegu.” 'Enega Madiu 'itoolo ga Yesu 'imuliyena.

Maki 2:14

Ta 'ina e'ita 'ilosalonina ga 'itautauya ga 'ebweu takisi 'ana to'ewa 'i'itena 'ina anuwa 'ebe paisewa 'ena 'imiyami. Tai nina Libai, ta tamana Alipio. Ga Yesu 'ieonena, “Libai 'umuliyegu.” 'Enega Libai nina 'itoolo ga Yesu 'imuliyena.

Maki 3:18

ta wate Anidulu be, Pilipi be, Batolomiu be, Madiu be, Tomasi be, mali Yemesa tauna Alipio natuna be, Tadiasi be, mali Saimoni, tauna togewana 'ebeloina manuna;

Luke 5:27

Ta muliyega Yesu 'iapwesa ga 'ebweu takisi 'ana to'ewa 'ana esana Libai 'i'itena 'ina anuwa 'ebe paisewa 'ena 'imiyami ta 'ieonena, 'igwae, “Libai, 'umuliyegu.”

Luke 6:14

Tosimanao nidi 'adi esanao getedi: Saimoni, tauna wate 'ieesena Pita, ta tasina Anidulu, ta wate Yemesa be, Yoni be, Pilipi be, Batolomiu be,

Luke 6:16

be wate Yudasa tauna Yemesa natuna, ta wate Yudasa Isikaliota, tauna ma'etamo Yesu 'ida telesipupuye.

Yoni 11:16

Ta Tomasi tauna sieesena Didiluwaluwa, 'ilolagata ga gosenao 'ediya 'iona, “Tuwa, 'ida toe'ita ma'eda tatatauya, be 'enega 'eguma 'imwamwawasa, 'abo'ada wate tamwamwawasa.”

Yoni 20:24

Ta Tomasi tauna 'ebweuna tononoyao site tuwelo 'ediyega, ta 'ana esana 'eluwena Didiluwaluwa. Tomasi nina nigeya gosenao ma'edi tuta nina Yesu 'imai. 'Enega muliyega Tomasi 'imai ga gosenao 'ena sisimana, sigwae, “'Ida 'Inapwana ni'atu 'a'itena.”

Guinuwa 1:13

Ga silugu 'idi anuwaya ga situ'e anuwa etaninaya, taudi Pita be Yoni be Yemesa be Anidulu be Pilipi be Tomasi be Batolomiu be Madiu be mali Yemesa (tauna Alipio natuna) be Saimoni (tauna lowa togewana 'ebeloina manuna) be Yudasa (tauna Yemesa natuna).

Guinuwa 15:13

Ta muliyega Yemesa 'itoolo ga 'igwae, “Tasigwao, 'igu ona gete wada nono.

Galetia 1:19

Ta Keliso 'ana tosimanao yaudi nigeya yada 'itedi. Nate namo Yemesa, tauna 'ida 'Inapwana nina tasina.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Yemesa 1:1

Kagutoki 'omi Yaubada 'ina tomotaiyao susu tuwelo 'ediyega waesugalagalaya sena yauyaudi 'ediya. Gete 'imi leta ya'etoladinawa, Yaubada be 'Inapwana Yesu Keliso 'idi toguinuwa 'abo'agu.