Luke 5:32 - Loina Tabu Auwauna NT

³² 'Abo'agu yamaiya nigeya topalupaludi manudi, ta esi toloegesiyao sabi lemedi, be 'aene nuwa 'ebuniyega sida bobo'ana.”

Luke 5:32 Kruisverwysings

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Madiu 9:13

'Enega 'ilobwenemi be Yaubada 'ina ona wanuwa sabwaleni Buki Tabu 'ena 'igwae: ‘Nuwanuwagu 'atenuwa'ole'ole, ta geya nuwagu taliya.’ Gete yamaiya nigeya topalupaludi manudi, ta esi toto'umalidi sabi lemedi.”

Maki 15:10

Manuna Pailato 'imwalatonina 'aene totaliya sinabwadi 'idi e'ipi'ipiyega Yesu siwasegigiyena sabi loemwawasina.

Maki 15:7

Tuta gote 'ena 'aina me Loma 'adi talauwalao deliya simiyami, manuna geya nuwadi me Loma 'idi loina ga silosaiyedi, ga 'ebweuna 'ediyega 'ana esana Balaba, losaiya nina solanaya tomota 'iloemwawasidi. 'Enega me Loma Balaba magosenao sigiyaidi ga deliya sisa'udi.

Maki 2:17

Ta Yesu ona gete 'inonona ga 'ieonedi, “Taudi bobo'adi geya nuwadi togile'oasa, ta tole'oasao esiya nuwanuwadi togile'oasa. 'Abo'agu yamaiya nigeya topalupaludi manudi, ta toto'umalidi sabi lemedi.”

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Luke 15:7

'Enega nadigega wate 'abo 'ebweu toto'umalina 'inuwa'ebuni, me galewa manuna sida gwausowala sinabwana, ta esi tobobo'adi site nainiti naini nidi manudi 'idi gwausowala tupwana namo.

Luke 19:10

Ona'ai'aila 'abo'agu Tomota Natuna, ta yamai be kwanikwanidi yada 'ebesedi be ya'etoseyedi, nadigega tai gete.”

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Luke 5:31

Ga Yesu 'idi ona nina 'ie'isena, 'igwae, “Taudi bobo'adi geya nuwadi togile'oasa, ta tole'oasa esiya nuwanuwadi togile'oasa.

Luke 5:33

Ta muliyega 'aidi tomotai Yesu sieonena, sigwae, “Yoni 'ina tononoyao tuta yauna mabotanidi sisidasida Yaubada 'enaya, nadigega wate Palisiyao 'idi tononoyao 'idi guinuwa, ta mwa'adega ga 'enega 'oyo 'imu tononoyao nigeya sida edidigula, ta tuga si'e'a ta sinumanuma besobeso.”

Guinuwa 17:30

“Tuta nidi lowa tomota Yaubada siemwagemwageyena, 'enega nigeya 'ida gamwasowaledi, ta esi gete tuga sena maibo'adi tomotenidiyao 'iloineda be 'ida loegesi 'ediyega tada nuwa'ebuni,

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Guinuwa 5:31

ga 'igilagasina tauna 'atainaya 'aene tauna To'etoseyana be Toanugana, be wate tauna togienuwa'ebuni me Isileli manuda, be 'enega 'ida to'umalinao 'inuwataudi.

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.