Luke 4:42 - Loina Tabu Auwauna NT

⁴² Ta ni'atu tomwa 'iulisina ga Yesu 'asa nina 'ipilisinena ga tebweuna mwatui daitaya 'itauya. Ta tomota yaudi sie'ale be 'aene Yesu si'ebese, ta tuta nina silobena sieonena, sigwae, “Geya'abo 'utautauya. Bada tuga tamiyami.”

Luke 4:42 Kruisverwysings

Maki 1:45

Ta tolepelo nina nigeya Yesu 'ina loina 'iematamatane, ta tomota yaudi 'ediya 'iesimasimana. 'Enega Yesu nigeya sawesawenaya 'ia'ata'atamana 'asa nidi soladiya, ta 'enega 'itauya sena mwatui daitaya ga nada 'imiyamiya, ta tomota sena yaudi 'ediyega sitauya 'enaya.

Luke 24:29

Ga taudi sigwae, “Nigeya! Geya'abo 'utautauya, bada ta'e'eno, manuna ni'atu 'iboi.” 'Enega 'itagwala ga 'ilugu 'idi anuwaya.

Luke 6:12

Tuta gote 'enaya Yesu 'itu'e 'oyaya ga nada boiboi maibo'ana Yaubada 'ena 'isidasida.

Yoni 4:34

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 4:40

'Enega me Samelia Yesu 'ena simai ga sisidena be 'aene ma'edi sida miyami, ga Yesu nada 'asiyata 'eluwa 'ediya 'imiyami.

Yoni 6:24

Ga gote 'ena tomota maibo'adi Yesu ma ina tononoyao si'ebesa yogenedi, 'enega tomota nidi waga 'ediya sigelu ga siabala Kapaneumi be Yesu si'ebese.