Luke 3:22 - Loina Tabu Auwauna NT

²² ta Yaluyaluwa Tabuna, maoona 'ana 'ita nadigega bunebune, 'imwa'uta Yesu 'enaya. 'Enega 'ebweu 'enana galewega 'ionama, 'igwae, “'Oyo natu'ai'ailigu, manuyo yagwausowala sinabwana.”

Luke 3:22 Kruisverwysings

Madiu 12:18

“Wa'ita 'igu toguinuwa gete esiesinuwana ta 'ateguyega yaobobomena ma igu gwausowala. Yaluyaluwagu yada sa'u 'enaya be loina palupaludi 'ida simanedi taudi nigeya me Yudia 'ediya.

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 27:43

Tauna 'aene Yaubada 'ana toemisa, ta 'igwae, ‘'Abo'agu Yaubada natuna.’ 'Enega 'eguma Yaubada nuwanuwana tauna 'ida 'etoseye, aga?”

Madiu 3:13

Tuta gote 'enaya Yesu sena Galili 'ipilisinena ga 'imai Yolidani, Yoni 'enaya, sabi bapitaiso.

Madiu 3:16

'Enega Yoni 'itagwala ga Yesu 'igiebapitaisoena. Ta 'enega Yesu bwasiyega 'igayo'oya'ama, ta galewa 'i'egegena ta Yesu Yaubada Yaluyaluwana 'i'itena 'ana 'ita 'atuwa bunebune 'imwa'utama ga 'ena 'itowa.

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Maki 1:11

'Enega 'ebweu 'enana galewega 'ionama 'igwae, “'Oyo natu'ai'ailigu, manuyo yagwausowala sinabwana.”

Maki 1:9

Tuta gote 'enaya Yesu 'asa Nasaleta 'ipilisinena, nate sena Galili 'enega, ga 'imai bwasi Yolidani 'enaya ga Yoni Yesu 'igiebapitaisoena.

Maki 9:7

'Enega pwana wate 'imwa'uta ga 'itala ekabobodi, ta pwana 'enega 'ebweu 'enana sinonona, 'igwae, “Gete natugu bobo'ai'ailina, 'ina onao wada nonodi.”

Luke 2:14

sigwaegwae, “Yaubada galewaya tada tupui, ta bale'uya taudi 'iobobomedi sida miya gwausowala.”

Luke 4:21

'Enega 'ieonedi, 'igwae, “Ona gete ni'atu yasawena ga wanonona, lowa sigimi simanena, ta gete tuga ni'atu 'iapwesa saba.”

Yoni 1:32

Ona gete Yoni 'isimana apwesa Yesu manuna, ga 'ediya 'igwae, “Yaluyaluwa Tabuna ya'itena 'ana 'ita nadigega bunebune galewega 'imwa'utama ga Yesu 'ena 'itowa.

Yoni 12:28

Ta esi yasisida be Tamagu 'ena yagwae, ‘Tamagu, 'amu esana 'ugitu'eye.’ ” 'Enega 'ebweu 'enana galewega sinonona, 'igwae, “'Agu esana ni'atu yagitu'eyena ta wate ma'etamo yada gitu'e limai.”

Yoni 5:37

Ta Tamagu wate tauna 'isimanegu, ta 'omi nigeya 'ebweu tuta 'enana wada nonona, nai maninina wada 'itena,

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

1 Pita 2:4

'enega wada mai 'Inapwana nina 'enaya, tauna 'ola mayawasina me bale'u sie'idi'idiyena, ta esi Yaubada nuwanuwana ga 'iesinuwena.