Luke 3:21 - Loina Tabu Auwauna NT

²¹ Ta ni'atu Yoni boda maibo'adi 'igie bapitaisoedi, ga muliyega Yesu wate 'igie bapitaisoena, ta 'enega Yesu Yaubada 'ena 'isidasida, ga galewa 'i'egegena,

Luke 3:21 Kruisverwysings

Madiu 14:23

'Enega sigelu, ta Yesu pwalu 'ietunediya, ta muliyega tauna tebweuna 'oyaya 'itu'e sabi sidasida Yaubada 'ena. 'Enega ni'atu 'iboi, ta Yesu tebweuna namo 'imiyami.

Luke 5:16

ta esi tuta yauyauna boda 'ediyega 'itautauya dumaduma be 'isidasida Yaubada 'enaya.

Luke 9:18

'Enega Yesu ma ina tononoyao sitauya, ga muliyega Yesu tebweuna 'imiyami, ga Yaubada 'ena 'isidasida. Ta 'ina sidasida 'igumwalaya ga 'ina tononoyao 'ienaida 'ediya, 'igwae, “Mwa'adega tomota 'idi ona manugu, 'aene 'abo'agu yaita?”

Yoni 1:51

Ta Yesu wate 'igwae, “Yaona 'ai'aila 'emiya 'aene ma'etamo galewa 'ege'egegena 'ena Yaubada 'ina aniloseyao wa'itadi, situ'etu'e be simwa'umwa'utama 'abo'agu Tomota Natuna manugu.”

Guinuwa 1:22

Yesu 'ina bapitaiso Yoni 'enega ga 'ana laba 'ina tu'e galewaya, 'ina sakowasi maibo'ana 'ediya, be tai nina ma'edai tada simana Yesu 'ina toololimana manuna.”