Luke 3:2 - Loina Tabu Auwauna NT

² Ta Anasa be Kaiyapa taudi totaliyao 'adi toloinao. Tuta nina gote 'enaya Yaubada 'ina ona 'imai Sakalaya natuna Yoni 'enaya, tauna sena mitawa daitaya 'imiyami.

Luke 3:2 Kruisverwysings

Madiu 11:7

'Enega Yoni 'ana tomuliyao nidi siila ta Yesu 'ilolagata ga boda 'ediya Yoni manuna 'isimana, 'igwae, “Lowa maibo'ami sena mwatui daitaya watauya Yoni sabi nonona, ta to'ase nuwanuwami be 'aene wa'ita? Nai nuwanuwami 'aene 'ebweu pwatula sinabwana yagila 'iniuniuye wa'ita?

Madiu 26:3

'Enega totaliyao sinabwadi be me Isileli 'idi 'inapwanao sideli egogonama Kaiyapa 'ina anuwa sinabwana 'enaya, tauna totaliyao 'idi 'inapwana sinabwana.

Maki 1:2

Lowaenei palopita Aisea Yesu manuna 'i'etoladina, ga Yaubada 'ina ona 'isimanena, 'igwae: “Gete 'igu toepilialeale yaetune be 'inugana be manuyo 'eda 'ikakali,

Luke 1:80

Ta ni'atu gwama nina 'isinabwa ta yaluyaluwana wate 'iewaiwai. 'Enega tebweuna sena mwatui daitaya 'itauya ga nada 'ilo'asa ga 'ana laba me Isileli 'ediya 'iapwesa ga 'iloguguya.

Yoni 1:23

'Enega Yoni 'idi enaida 'ie'isena ga 'isimana apwesa, 'igwae, “Lowa palopita Aisea 'ina buki 'ena manugu 'isimana gete nadigega: Tai 'ebweu sena mitawa daita 'ena 'ibwaubwau, 'igwaegwae, ‘'Inapwana 'ina 'eda wada kakali ta wagiepaepalu.” ’

Yoni 18:24

'Enega Anasa Yesu 'ietunena, ga ma 'ana yona tolosaiyao sitauyena totaliya sinabwana Kaiyapa 'enaya.

Guinuwa 4:6

ta wate Anasa, tauna totaliya sinabwana ma ina susuyao be ma ina bodao, nate Kaiyapa be, Yoni be, Alekisana be, Yelusalema 'ena sideli egogonama.