Luke 3:14 - Loina Tabu Auwauna NT

¹⁴ Ta 'aidi wate tolosaiyao sienaenaida, sigwae, “Ta 'abo'ama, mwa'adega 'ama loina?” Ga Yoni 'igwae, “'Omi 'ami e'isao ni'atu sawesawemiya ta esi manudi wada gwausowala, ta geya'abo 'ami e'isa 'ana loeposeyana kaboega be giematautega wa'ewa'ewa.”

Luke 3:14 Kruisverwysings

Madiu 8:5

'Enega Yesu 'imai 'asa Kapaneumi 'ena, ta tolosaiyao taudi me Loma 'adi toanugana 'ebweu 'imai ga 'isida Yesu 'enaya,

Luke 19:8

Ta Sakiusa nina 'itoolo ga Yesu 'ieonena, 'igwae, “'Inapwana, batuwa 'enega 'igu gwegwe maibo'ana yada 'upwaluwe be 'ana tupwa maibo'ana togomabeso yada 'ebwa'edi. Ta wate 'abo yaita 'enega lowa ya'ewagesi, yada yotuli ta 'ana loeposeyana ata nadigega ya'ebwa'e.”

Luke 3:10

'Enega boda nidi Yoni sienaidena, sigwae, “To'ase 'ilobwenema be 'ada guinuwe?”

Luke 3:13

'Enega Yoni 'igwae, “Takisi 'ana loinega wa'ewa'ewa, ta geya'abo loeposeyana wasa'usa'u.”

Guinuwa 10:7

Anilose nina 'ina ona 'igumwala ga 'itauya, 'enega Konilio 'ina toguinuwao 'ediyega 'eluwa 'ibwauyedi ma ina tolosaiya 'ebweuna, tauna wate Yaubada 'ana to'amayaba sinabwana.

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.

Pilipai 4:11

Ta geya'abo sa'i yalomulomugi 'igu miya mwau lowa 'ediya, manuna ni'atu yamwalatonina ga sawesaweguya miya maibo'adi 'ediya yagwaugwausowala tuga,

Taito 2:3

Kaiyaleyao wate 'ueonadi be 'idi bubuna ma idi 'amayaba, be geya'abo tomota si'awa'awa to'umaliyedi, be geya'abo oine sinumanuma diidiga, ta 'ilobwenedi be bubuna bobo'ana sie'itaedi iine enatunadaya 'ediya,

E'ita'ita 12:10

Ta muliyega galewega 'enana sinabwana yanonona, 'igwae, “Gete tuga Yaubada 'ina waiwaiyega 'ida loineda, be 'i'etoseyeda. Ta wate 'ada To'etoseyana nina 'ida etoloina 'edaya. Manuna tasidao 'adi toe'ewa, tauna lowa boiboiya be 'asiyataya Yaubada matanaya 'itootoolo ta 'ie'ewadi, ni'atu tauna galewega siula apwesena.