Luke 24:44 - Loina Tabu Auwauna NT

⁴⁴ Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Luke 24:44 Kruisverwysings

Madiu 1:22

Yage getedi ni'atu siapwesa manuna lowaenei palopita 'ebweu Yaubada 'ina ona 'igimisimanena ga Buki Tabu 'ena 'i'etoladina, 'igwae,

Madiu 16:21

Tuta gote 'enaya Yesu 'ie'ale ga 'ina tononoyao 'ie'itedi, 'igwae, “'Ilobwenena be yatatauya Yelusalema be nada 'elouya yaudi yada lobadi, 'inapwanao be totaliyao sinabwadi be loina 'ana toe'itao 'ediyega, be gote 'ena siloemwawasigu, ta 'asiyata 'etonina 'enaya Yaubada 'ida gietoolo limagu.”

Madiu 26:54

Ta nigeya! 'Eda gete 'enega Buki Tabu 'ina simanao manugu sida apwesa.”

Madiu 26:56

Ta yage getedi sida apwesa be 'enega palopitao 'idi gimisimana Buki Tabu solanaya sida apwesa.” 'Enega Yesu 'ina tononoyao maibo'adi sidena sinena.

Maki 9:31

ga 'ina tononoyao 'ie'itedi 'ina mwawasa manuna, 'igwae, “Ma'etamo Tomota Natuna 'ana totelesipupu 'ida 'ebwayae 'ana talauwalao 'ediya be siloemwawasi, be 'asiyata 'etoi muliyega 'ida toololimana.”

Luke 21:22

'Asiyata getedi 'ediya Yaubada 'ina bwa'omatana 'ida apwesa tomota 'ediya, be 'enega Buki Tabu 'ina gimisimana maibo'ana 'ida apwesa.

Luke 22:37

“Manuna tuta ni'atu 'imai saba, be 'enega Buki Tabu 'ena lowa 'ebweu ona manugu si'etoladinaya, 'ida apwesa 'ai'aila, 'igwae, ‘Sietalaena 'atuwa nadigega 'ebweu tole'oa loina’. Be wate ona yauna manugu siapwesa 'ai'aila.”

Luke 24:46

Ga 'ediya 'igwae, “Gete nadigega si'etoladi'esena, 'igwae, To'etoseyana nina 'elouya be mwawasa 'ida loba, be 'enega 'asiyata 'etonina 'ena mwawasega 'ida toololimana,

Luke 9:22

'Enega wate 'ieonedi, 'igwae, “'Abo'agu Tomota Natuna be ma'etamo 'elouya sinabwana yaloba. Manuna 'Inapwanao be totaliyao sinabwadi ta wate loina 'ana toe'itao 'iabe sie'idi'idiyegu be siloemwawasigu, ta 'asiyata 'etonina 'enaya Yaubada 'ida gietoolo limagu.”

Luke 9:44

'igwae, “'Igu ona gete 'iabe yasimane 'emiya wada nuwa'i'ita 'ai'aili, nate Tomota Natuna 'iabe sisipupuye be 'ana talauwalao 'ediya si'e'ebwayae.”

Yoni 3:14

Nadigega tuga lowaenei tuta nina sitautauya sena mwatui daitaya, ga Mosese mwata kainumu 'enega 'iguinuwenaya ta kaiwe 'ena 'igilagasina, 'abo'agu nadigega sida gilagasigu

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Yoni 5:46

Ta 'eguma 'omi Mosese waemisa 'ai'ailina, 'abo'agu wate nadigega waemisegu, manuna tauna lowa manugu Buki Tabu 'ena 'isimana ga 'i'etoladina.

Guinuwa 13:33

ga ni'atu 'igieapwesena 'epata auwauna 'abo'ada 'edaya, tuta nina Yesu mwawasega 'igietoolona. Gete manuna Same 'eluwena 'ena Yaubada 'ina ona sigimi simanena, 'igwae, ‘'Oyo natugu, batuwa 'ena ya'awa natunemu.’

Guinuwa 13:40

“'Enega wada 'ita'i'isimi be ona nina palopitao lowa manuna sionaona upaupa, geya'abo 'omi 'iloo'awasimi. Ona nina 'igwae,

Guinuwa 2:27

'Abo'agu 'imu tai esiesinuwagu, 'enega geya'abo yaluyaluwagu 'usa'usa'u ataya tomwawasao 'idi 'asaya, nai bwalagu wate 'imwaulu.

Guinuwa 3:18

Ta wanuwa'i'isi 'aene Yaubada 'ina palopitao 'ediyega 'igimi simanena 'aene To'etoseyana nina 'ina 'elouyao 'ida lobadi, 'enega ona nina 'ana 'ai'aila ni'atu 'iapwesa.

Guinuwa 7:37

“Gete Mosese nina me Isileli 'ieonedi 'igwae, ‘Yaubada ma'etamo tasimiyao 'ediyega 'ebweu palopita 'ida esinuwe manumi, nadigega lowa 'iesinuwegu.’

Ibeliu 10:1

Ma'etamo be 'ebe gwausowala 'ai'aila 'edaya 'iapwesama, ta Mosese 'ina loina 'atuwa ma'ama'ayau namo ta nigeya 'ebe gwausowala 'ai'aila. Mosese 'ina loina nina 'aene yakwala be yakwala yobai siunuunudi be Yaubada 'enaya sitalitaliyaedi, ta guinuwa nidi nigeya sawesawenaya be 'igiepaepaluyedi.

Ibeliu 3:5

Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi.

Ibeliu 7:1

Ta Melikisedeki nina me Salema 'idi kini, ta Yaubada Toloetana sana 'ina totaliya. Lowaenei Melikisedeki nina Ebelaamo 'ilobena, tuta nina losaiya 'enega 'iilailama. Ta Ebelaamo nina toloinao yaudi ma 'adi bodao ni'atu 'ipe'udi, 'enega Melikisedeki Ebelaamo 'iona obobomena.

Ibeliu 9:8

Gete 'ebe'ita tomota auwauda 'edaya, Yaluyaluwa Tabuna 'enega, be 'enega tada mwalatoni 'aene 'abo guinuwa nina kadekadelina 'etamo taguiguinuwe, nigeya sawesawedaya be talulugu Sena Tabu Wawasae solanaya. Manuna obobomao be 'ebwayadaitao nidi loina kadekadelina 'enega sitalitaliya Yaubada 'ena, ta esi nigeya sawesawediya be tomota nidi 'atedi sigie'esasedi, ta bwaladimo sigie'esasedi,

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

E'ita'ita 19:10

Ta 'aenaya yabe'u sanamwa'uta ga yabwagobwago 'enaya, ta 'enega 'igwae, “Geya'abo nadigega. 'Abo'agu tuga Yesu 'ina toguinuwa, 'oyo nadigega, ta wate nadigega tasimwao taudi Yesu 'ana tosimanao, Yaubada esi 'ena 'uda bwagobwago.” Manuna Yesu 'ana tosimanao 'adi lotoona nadigega palopitao 'adi lotoona Yaubada yaluyaluwana 'enega.