Luke 23:4 - Loina Tabu Auwauna NT

⁴ Ga muliyega Pailato totaliyao be bodao 'ieonedi, 'igwae, “Tai gete nigeya 'ebweu 'ina to'umalina yalobaloba.”

Luke 23:4 Kruisverwysings

Madiu 27:19

Ta wate tuta nina 'etamo Pailato etala 'iguiguinuwe, ta mwanena ale 'ietunenama ga 'igwae, “Geya'abo wate to'ase 'uloiloine tai palupaluna gete manuna, manuna ni'a yamadawalena ga 'ebe matauta sinabwana 'eguya.”

Maki 15:14

Ta Pailato 'igwae, “To'ase sana 'ina loegesi ga 'enega 'aene mwawasa 'iloba?” Ta sibwau toitoila, sigwae, “Kelose 'ena tada tutuepa'iye.”

Luke 23:22

Pailato 'ina ona 'etonina 'enaya 'ieonedi, 'igwae, “To'ase sana 'ina loegesi ga 'enega 'aene mwawasa 'iloba? Manuna nigeya 'ebweu wate to'umalina 'ena yalobaloba. Ta esi sapi namo 'ilobwenena be muliyega ya'etoli'ami.”

Yoni 18:38

Ta Pailato wate 'ienaida, “Ona palupaluna to'ase?” 'Enega Pailato 'iapwesa limana ga me Yudia nidi 'ediya 'igwae, “Nigeya 'ebweu 'ina loegesi yalobaloba.

Guinuwa 25:25

Ta nigeya 'ebweu 'ina loegesi yalobaloba be manuna 'ida mwawasa, ta tauna nuwanuwana be 'ida kini sinabwana Sisa 'ena 'ida etala, 'enega yaloina be yada etunena Sisa nina 'enaya.

Guinuwa 3:13

ta esi Yaubada 'ina waiwaiyega, tauna Ebelaamo be Aisake be Yekobe 'idi Yaubada, ta tubudao 'idi Yaubada, ga ni'atu Yaubada 'ina 'ali'ei Yesu 'ana esana 'igitu'eyena, tauna lowa Pailato nuwanuwana be 'ili'ami, ta 'omi waeyaseyaseyena, ga wa'awa to'umaliyena Pailato matanaya.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

1 Pita 1:19

ta esi e'isa nina Yaubada 'ina lami lalana bobo'ana wawasae 'enega 'i'etoseyemi, tauna Keliso nina, bobo'ai'ailina ta 'esasena.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.