Luke 23:34 - Loina Tabu Auwauna NT

³⁴ 'Enega Yesu 'igwae, “Tamagu ye, 'idi guinuwa gete 'uda nuwataudi, manuna nigeya simwalamwalatoni to'ase siguiguinuwa.” Ta tolosaiyao nidi Yesu 'ana 'oama si'ewena, ga 'enega siesaesasala, 'atuwa nadigega siulaesinuwa, be 'enega 'abo yaisigedi sinunugana 'oama nidi si'ewadi.

Luke 23:34 Kruisverwysings

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 11:26

Ona'ai'aila Tamagu, 'imu nuwanuwa gete bobo'ana.”

Madiu 5:44

Ta 'abo'agu yaloinemi 'ami talauwalao waobobomedi, be taudi sigie 'elouyaemi manudi wasisida be Yaubada 'ida lemedi.

Maki 15:24

'Enega kelose bale'uya sisa'unaya ta Yesu 'enaya situtu epa'iyena ga sietoolona. Ga muliyega toguinuwa nidi Yesu 'ana 'oamao si'ewedi ga sieguyaiyedi taudimo 'ediya, ta 'idi eguyai esasala ulaesinuwa 'enega, be 'eguma yaita 'inugana 'ana 'oama 'ebweu 'i'ewa.

Luke 22:42

'igwae, “Tamagu ye, 'abo nuwanuwayo, 'elouya keigana gete 'eguyega 'uda 'ewayaule. Ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Yoni 17:9

“'Enega gete tuga manudi yasidasidawa 'emuya. Nigeya 'aene me bale'u manudi, ta esi tomota nidi 'u'ebwa'eguya manudi, manuna taudi 'imu tomotaiyao.

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

Guinuwa 16:28

Ta Paulo 'i'itenama, ga 'ibwau, 'igwae, “Gosiyagu, geya'abo tauyo 'uloeloemwawasiyo. Maibo'ama gete 'amiyami.”

Guinuwa 3:17

“Tasigwao, yamwalatonimi 'aene 'imi emwagemwageyega Yesu nina waloemwawasina, nadigega 'imi 'inapwanao.

Guinuwa 7:60

Ga 'i'aetulasa, ta 'ibwau, 'igwae, “'Inapwana, 'idi bubuna to'umalina gete geya'abo 'ue'ie'isa 'ediya.” Ga 'ina ona gete mulinaya yawasina 'igumwala.

Loma 12:14

Ta 'abo yaisigedi siguitoyasemi geya'abo waba'eba'edi, ta esi wada onaobobomedi.

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

1 Kolinita 4:12

Tauma nimamega 'apaipaisewa, ta 'abo yaisigedi si'awa to'umaliyema ona obobomega 'ae'isadi, ta wate 'eguma sigie'elouyaema 'a'alama'i'ita tuga.

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,

1 Pita 3:9

Ta 'abo 'aidi 'emiya siguinuwa to'umalina, geya'abo 'ediya wae'ie'isa, ta 'abo wate sieliyemi geya'abo waelieliyadi. Ta esi wada e'isadi ona bobo'ana 'enega, ta Yaubada 'ionaupaupa saba be 'aene 'ida obobomemi, 'abo 'omi ona obobomega 'ediya wae'isa.