Luke 22:42 - Loina Tabu Auwauna NT

⁴² 'igwae, “Tamagu ye, 'abo nuwanuwayo, 'elouya keigana gete 'eguyega 'uda 'ewayaule. Ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Luke 22:42 Kruisverwysings

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 11:26

Ona'ai'aila Tamagu, 'imu nuwanuwa gete bobo'ana.”

Madiu 20:22

'Enega Yesu tai nidi 'ieonedi, “'Omi 'imi sida gete 'ana mwalatoi nigeya wamwalamwalatoni. Mwa'adega, 'elouya keigana 'enega yanunuma kapekapeyana be 'omi wate 'enega wanunuma?” Ta sigwae, “Sawesawemaya.”

Madiu 26:39

Ta Yesu 'ialaga tupwana ga bale'uya 'ibe'u sanamwa'uta ta 'isidasida, 'igwae, “Tamagu ye, 'eguma kapekapeyana 'elouya keigana gete 'eguyega 'u'ewayaulei, ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Madiu 26:42

'Enega Yesu 'ilaga limana ga 'isidasida, 'igwae, “Tamagu, keiga gete geya nuwagu be 'enega yanunuma, ta 'abo 'imu nuwena nadigega, ta nigeya 'ebweu wate 'eda 'imiyami, bobo'ana yanunuma tuga.”

Madiu 26:44

'Enega wate 'ipilisinedi ga 'ina sidasida 'etonina 'enaya 'ina sidasida 'eluwena nadigega.

Madiu 6:10

be 'enega 'imu nuwena 'ada guinuwe nadigega taudi me galewa siguiguinuwa'esa.

Maki 14:36

'igwaegwae, “Tamagu ye, guinuwa yauna sawesawemuya, 'enega nuwanuwagu be 'elouya keigana gete 'eguyega 'u'ewayaule, ta geya'abo 'abo'agu 'igu nuwena 'enega ta 'oyo esi 'imu nuwena 'enega 'uda guinuwa.”

Luke 23:34

'Enega Yesu 'igwae, “Tamagu ye, 'idi guinuwa gete 'uda nuwataudi, manuna nigeya simwalamwalatoni to'ase siguiguinuwa.” Ta tolosaiyao nidi Yesu 'ana 'oama si'ewena, ga 'enega siesaesasala, 'atuwa nadigega siulaesinuwa, be 'enega 'abo yaisigedi sinunugana 'oama nidi si'ewadi.

Yoni 18:11

'Enega Yesu 'iona Pita 'enaya, 'igwae, “'Imu sisisaiya 'usa'ulima, geya'abo 'igu 'elouya keigana 'u'eto'etobode, manuna keiga nina Tamagu 'i'ebwa'egu be yada numa.”

Yoni 4:34

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Guinuwa 21:14

Ta 'a'etoboda yogenena ga 'alosa'u, ta 'agwae, “Bobo'ana nate, to'ase 'Inapwana 'ina nuwanuwa nadigega 'ida guinuwei.”