Luke 22:41 - Loina Tabu Auwauna NT

⁴¹ Ga muliyega 'ina tononoyao nidi 'ediyega 'iadumaduma ga taunamo nada 'i'aetulasa ga 'isidasida Tamana 'enaya,

Luke 22:41 Kruisverwysings

Madiu 26:39

Ta Yesu 'ialaga tupwana ga bale'uya 'ibe'u sanamwa'uta ta 'isidasida, 'igwae, “Tamagu ye, 'eguma kapekapeyana 'elouya keigana gete 'eguyega 'u'ewayaulei, ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Maki 14:35

Ta Yesu 'ialaga tupwana ga 'ibe'u sanamwa'uta ga 'isidasida 'aene 'abo kapekapeyana 'elouya gete Yaubada 'ida 'ewayaule,

Luke 18:11

'Enega Palisi nina 'itoolo ga 'isidasida, 'igwae, ‘Yaubada ye, yalokagutoki 'emuya manuna 'abo'agu nigeya nadigega gosegwao 'idi bubuna, manuna taudi to'ipwala diidiga be kabokabodi be loeloelatadi, ta wate 'abo'agu nigeya nadigega takisi 'ana to'ewa gote,

Luke 18:13

“Ta esi takisi 'ana to'ewa nina ma'alenega 'itoolo ga ma ina omayamaya lumalumana 'itutuna, ta 'ikopu sanamwa'uta ga 'isidasida, 'igwae, ‘Yaubada ye, ni'atu 'umwalatonigu 'aene 'abo'agu toto'umaligu, 'enega 'uda 'atenuwa 'ole'oleyegu!’

Guinuwa 20:36

Paulo 'ina ona gete 'igumwalaya ga 'i'aetulasa, ga ma'enao sisidasida Yaubada 'ena.

Guinuwa 21:5

Ta 'enega 'ima 'asiyatao nada sigumwala ta 'atoolo ga 'adolo wagaya, ta yaudi mamwanediyao be manatudiyao sidoloema 'asa tautaulunaya, ga le'awaya 'aema 'atulasa ta Yaubada 'ena 'asidasida. 'Enega 'alokaiyoniyedi,

Guinuwa 7:60

Ga 'i'aetulasa, ta 'ibwau, 'igwae, “'Inapwana, 'idi bubuna to'umalina gete geya'abo 'ue'ie'isa 'ediya.” Ga 'ina ona gete mulinaya yawasina 'igumwala.

Guinuwa 9:40

Ta Pita 'iloinedi ga anuwega siapwesa, ta taunamo 'imiyami, ta 'i'aetulasa ta 'isidasida Yaubada 'ena, 'enega 'isanaila ga kokowa nina 'ieonena, 'igwae, “Tabita 'utoolo.” 'Enega Tabita matana 'i'esasena, ga Pita 'i'itena, 'enega 'eno'enoega 'imiyatowa.

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.