Luke 21:37 - Loina Tabu Auwauna NT

³⁷ Tuta gote 'ediya Yesu Anuwa Tabu 'ena 'ie'ie'ita, ta 'asuinuwanuwaya 'iilaila Olibe 'oyana 'enaya ta 'i'eno'eno,

Luke 21:37 Kruisverwysings

Madiu 21:1

'Enega situ'etu'e Yelusalema manuna ga Betipegi selabenaya silogelogedo, nate 'oya Olibe 'agalaunaya, ta Yelusalema nuganidiya tupwana 'edasola. 'Enega Yesu 'ina tononoyao 'eluwa 'ietune nuganedi,

Madiu 21:17

'Enega Yesu 'ipilisinedi ga Yelusalemega 'iapwesa ta Betani 'ena 'ilugu ga nada 'i'eno.

Madiu 26:30

'Enega wali 'ebweuna siwaliyena ga siapwesa ta situ'e 'Oya Olibe 'enaya.

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Maki 11:12

Ga tomwa 'iulisina ga sitoolo ga Betaniyega siilaila limana Yelusalema manuna, ta Yesu 'ibotana,

Maki 11:19

Ga ni'atu 'iboi, 'enega Yesu ma ina tononoyao 'asa nina siebesinena.

Maki 14:49

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu 'ena ta yae'ie'ita tomota 'ediya? Ta tuwa tuga yage getedi siapwesama be 'aene palopitao 'idi gimisimana Buki Tabu solanaya sida apwesa.”

Luke 19:29

ta 'idi tauya 'enaya Betipegi be Betani selabediya silogelogedo, nate Olibe 'oyana 'agalaunaya, 'enega 'ina tononoyao 'eluwa 'igimi etunedi sena nidi 'ediya ma 'adi emataluwa,

Luke 19:37

Ga ni'atu simai Yelusalema selabenaya ga simwa'umwa'uta Olibe 'edana 'enaya ga 'ana tomuliyao nidi mabodadi ma idi gwausowala Yaubada situpuna, manuna ni'atu 'ina guinuwa waiwaidi si'itedi,

Luke 19:47

Ta 'asiyata 'ebweuna 'ebweuna Anuwa Tabu nina 'enaya 'ie'ie'ita, ta totaliya sinabwadi be loina 'ana toe'itao be wate toanuganao sitootoo be 'aene Yesu sida loemwawasi,

Luke 22:39

'Enega Yesu 'asa sinabwana 'iebesinena ga ma ina tononoyao siila limana 'Oya Olibe 'enaya. Tuta yauna nadigega 'idi guinuwa.

Yoni 12:1

'Asiyata sikisi simiyami be Ataona Sagalina sida guinuwe, ta Yesu 'itauya Betani, Lasalo 'ina 'asaya, tauna lowa mwawasega Yesu 'igietoolo limena.

Yoni 18:2

Ta Yudasa tauna totelesipupu nina sena nina 'imwalamwalatoni, manuna tuta yauna Yesu ma ina tononoyao sena nina 'ena sitautauya.

Guinuwa 1:12

'Enega 'oya 'ana esana Olibe 'enega siila ga sitauya Yelusalema, nate nigeya 'edasola, nadigega tomota siadadana 'asiyata Sabate 'enaya.