Luke 21:36 - Loina Tabu Auwauna NT

³⁶ “'Enega wada gibubuna ataya be tuta yauna wada sidasida be 'aene ma imi 'atepatu yage getedi 'ediyega wada ewaiwai be 'enega wada toolo 'abo'agu Tomota Natuna mataguya.”

Luke 21:36 Kruisverwysings

Madiu 24:42

'Enega walomata'i'ita 'ai'aila, manuna 'igu ila limanama 'ana tuta nigeya wamwalamwalatoni.

Madiu 24:43

Ta wanuwa'i'isi 'aene 'abo yaita tonianuwa 'ida mwalatonina to tuta boiboi solanaya to'ipwala 'ilugulugu 'ina anuwaya, 'ida gibubuna 'ai'aila ta 'ida yaweyawe be geya'abo 'ina anuwa 'ibwalebwale.

Madiu 24:44

'Enega 'omi wate wada gibubuna 'ai'aila be 'igu tuta ilama manuna wada yamwagu, manuna 'abo'agu Tomota Natuna 'igu ilama 'ana tuta nigeya wamwalamwalatoni.

Madiu 25:13

“'Enega 'ilobwenemi be walomata'i'ita, manuna 'asiyata nina, nai tuta nina yailailama nigeya wamwalamwalatoni.

Madiu 26:41

Ga wate 'ieonedi maibo'adi, 'igwae, “'Ilobwenemi be wamatapa'ala be wasidasida, be 'enega geya'abo Seitani 'itootoomi. Ona'ai'aila yaluyaluwami nuwanuwana, ta tuga manuna oomi sitaba.”

Madiu 8:20

Ta Yesu tai nina 'ieonena, 'igwae, “Kedewa mitawa ma idi gaula, ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Maki 13:33

'Enega walomata'i'ita manuna 'igu tuta ila limanama nigeya wamwalamwalatoni.”

Maki 13:37

“'Igu emataluwa gete 'omi 'emiya be wate tomota maibo'adi 'ediya 'aene wada lomata'i'ita 'ai'aila.”

Luke 1:19

Ta anilose nina 'igwae, “'Abo'agu Gebeliela, ta tuta yauna Yaubada matanaya yatootoolo, ta gete tuga Tauna 'ietuneguma be ale gete bobo'ana yasimane 'emuya.

Luke 18:1

'Enega 'ebweu ona semalimali Yesu 'i'ebwa'edi be 'aene geya'abo sidasida 'enega sineeneta.

Luke 20:35

ta esi tuta 'imeema 'enaya 'abo waine be tai sawesawediya be mwawasega sitoolo limana geya'abo wate siaiai limana.

Luke 21:35

Manuna 'asiyata nina 'enaya me bale'u maibo'adi 'iloesalutuidi 'ina bwa'omatana nina 'enega.

Guinuwa 10:2

ta tauna tai bobo'ana ga ma ina susuyao Yaubada si'amayabena, ta tuta yauna togomabeso 'ilemelemedi ta 'isidasida Yaubada 'ena.

1 Kolinita 16:13

Gosegwao wa'ita'i'isimi, be ma imi emisa 'ai'aila wada toolopa'ala be wada ewaiwai,

2 Kolinita 4:14

ta Yaubada 'amwalatonina 'aene 'ida 'Inapwana Yesu mwawasega 'igietoolo limena, be 'abo'ama wate Yesu ma'emai 'ida gietoolo limema, be 'omi wate ma'emao 'ida 'au'ewada tauna matanaya.

Kolose 4:2

Wa'ita'i'isimi be geya'abo 'imi sidasidao sineeneta, ta esi wada lokagutoki Yaubada 'ena, be wada e'alama'i'ita 'imi sidasidao 'ediya.

1 Tesalonaika 5:17

Nadigega wate sidasida Yaubada 'enaya geya'abo walosalosa'u.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

1 Pita 4:7

Ta ni'atu be yage maibo'ana sigugumwala. 'Enega wa'ita'i'isimi be geya'abo walo'ame'ame, ta esi tuta yauyauna wada sidasida Yaubada 'ena.

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

Yude 1:24

Yaubada nina sawesawenaya 'ilomata'i'isimi be geya'abo wabe'ube'u, 'ana laba tuta nina tauna matanaya 'ime'emi 'ina 'asa 'esasena 'enaya, ma imi bubuna palupaluna, ta wate ma imi gwausowala sinabwana.

E'ita'ita 11:4

Tosimana 'eluwa nidi 'atuwa kaiwe olibe 'eluwa, ta wate 'atuwa mayale nidi 'eluwa sitootoolo bale'u 'ana 'Inapwana matanaya.

E'ita'ita 6:17

Manuna lami 'ina gamwasowala 'ana 'asiyata sinabwana ni'atu 'iapwesama, ta nigeya 'ebweu yaita sawesawenaya be 'iewaiwaisine.”

E'ita'ita 7:9

Muliyega, yadunedune ga pwalu sinabwa wawasae ya'itedi, nigeya aisawa. Tomota nidi 'ebeloina 'ebweuna 'ebweuna 'ediyega, be susu 'ebweuna 'ebweuna 'ediyega be boda 'ebweuna 'ebweuna 'ediyega be 'enana 'ebweuna 'ebweuna 'ediyega, maibo'adi 'ebemi esaesa matanaya be wate Lami matanaya sitootoolo ma 'adi 'oama wakewakekedi, ta magimagi yawadi sigiyaidi,

E'ita'ita 8:2

Ta muliyega anilose nidi sebeni Yaubada matanaya sitootoolo ya'itedi, ga Yaubada 'idi yoguli 'ebweuna 'ebweuna 'i'ebwa'edi.