Luke 20:46 - Loina Tabu Auwauna NT

⁴⁶ “Tasigwao, geya'abo loina 'ana toe'itao 'idi bubuna wamulimuliye. Manuna taudi adelidi tuga nadigega tuta yauna nuwanuwadi be 'adi 'oamao duduladi si'otedi be tomota gamwagamwanidiya sisakosakowasi be 'aene sida 'amayabedi. Ta wate nuwanuwadi 'idi 'ebemiya bobo'adi Anuwa Tapwalolo 'ediya, be wate sagali 'adi tutaya nuwanuwadi be bwaimaya sida miyatowa.

Luke 20:46 Kruisverwysings

Madiu 16:6

Ga nada Yesu 'ieonedi, “Palisiyao be Sadusiyao 'adi beledi 'ana 'ebe gieseseya 'enega wa'ita'i'isimi.”

Madiu 23:1

'Enega Yesu boda be 'ina tononoyao 'ediya 'iona, 'igwae,

Maki 8:15

Ga Yesu 'iemataluwedi, 'igwae, “Palisiyao be Elodi 'adi beledi 'ana 'ebe gieseseya 'enega wa'ita'i'isimi.”

Luke 11:43

“'Omi Palisiyao nuwa'ole'olemi, manuna anuwa tapwalolo 'ediya nuwanuwami be 'aene 'ebemiya bobo'adi 'ediya wada miyatowa, ta wate nuwanuwami be 'aene tuta nina 'abo watautauya 'asaya tomota maibo'adi sida 'amayabemi.

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Luke 14:7

'E'ai nina solanaya Yesu tomota 'aidi 'i'itedi, 'ebemiya bobo'ana 'ena simiyatowa, 'enega 'ebweu onasemalimali 'i'ebwa'edi, 'igwae,

Luke 20:47

Ta wate tuta yauna tomota matadiya Yaubada 'ena sisidasida dudulana, ta esi 'idi sida nina nigeya bobo'ana, manuna 'atediya sinuwanuwa mwa'adega 'iabe kwabulao sikabo'esedi be 'idi gwegweyao si'ewadi. 'Enega ma'etamo Yaubada e'isa to'umalina 'i'ebwa'edi.”

Loma 12:10

Gosemiyao wada oboboma 'ai'ailedi be wada 'amayabedi,

2 Timoti 4:15

Alekisana nina 'ida e'ita 'ietalauwala wawasaena. 'Enega 'oyo tauna 'enega wate 'u'ita'i'isiyo.

3 Yoni 1:9

Ni'atu 'ami emataluwa ya'etoladinawa 'omi toekalesiyao, ta tai nina 'ana esana Diotilipi nuwanuwana be taunamo 'ida loiloina, 'enega 'igu loina 'i'etobodena,