Luke 2:27 - Loina Tabu Auwauna NT

²⁷ Ta Yaluyaluwa Tabuna 'ienuwa sa'uyena, ga Simioni nina 'ilugu Anuwa Tabu 'enaya, ta Yosepa be Meli gwama nina Yesu ni'atu sime'ena Anuwa Tabu 'enaya be manuna sida guinuwa to'ase nadigega loina 'ina simana.

Luke 2:27 Kruisverwysings

Madiu 4:1

Gete 'enega Yaubada Yaluyaluwana Yesu 'i'au'ewena ga 'itauyena sena mitawa daitaya be 'enega 'ana toona Seitani 'enega 'ida loba.

Luke 2:22

Ta 'ina 'egabu mulinaya Meli 'ana gie'esasa 'ana tuta 'ilobena, ga natudina si'au'ewena Yelusalema 'ena be sida 'ebwaya Yaubada 'enaya, nadigega Mosese 'ina loina 'isa'una be sida guinuwa'esa.

Luke 2:28

'Enega Simioni gwama nina 'i'aalena ga Yaubada 'ena 'ilokagutoki, 'igwae,

Luke 2:41

Yakwala 'ebweuna 'ebweuna 'ediya Yesu sinana be tamana situ'etu'e Yelusalema, Ataona Sagalina manuna.

Luke 2:48

Ta wate tuta nina tamana be sinana si'itena nuwadi 'iowana, ga sinana 'ieonena, 'igwae, “Natugu, to'ase manuna gete nadigega 'uguinuwa'esa, ga 'enega ma ima nuwamwau tamayo ma'iyagu 'a'ebe'ebeseyo?”

Luke 2:51

'Enega ma'enao siila limana Nasaleta ga nada 'idi ona 'iematamatanedi. Ta esi sinana yage gete manudi 'inuwanuwa sinabwana.

Luke 4:1

'Enega Yaluyaluwa Tabuna Yesu 'iloemaena ga Yolidaniyega Yesu 'i'au'ewena ga 'itauyena sena mitawa daitaya.

Guinuwa 10:19

Ta anuwa nina etaninaya Pita ma ina nuwa edaedadama 'imiyami, ta Yaluyaluwa Tabuna 'ena 'igwae, “Pita, tai 'etoi si'ebe'ebeseyo, ta ni'atu simai ga 'agalauya.

Guinuwa 11:12

“'Enega Yaluyaluwa Tabuna 'ieonegu, 'igwae, ‘'Utoolo be geya'abo 'uenuwanaluwa ta tuwa tuga taudi ma'emwao watatauya.’ Ta gosedao site sikisi gete si'oayabugu, ga 'atauya Konilio 'ina anuwaya, ga 'alugu.

Guinuwa 16:7

Ga simai Misia ga sitoona be 'aene Bitinia 'ena silulugu, ta Yesu Yaluyaluwana nigeya 'itagwatagwaledi.

Guinuwa 8:29

'Enega Yaluyaluwa Tabuna Pilipi 'ieonena, “'Ulomanini be waga lisilisi 'ena 'utatauya.”

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

E'ita'ita 1:10

Gote 'ena 'ebweu 'ida 'Inapwana 'ina 'asiyata 'enaya Yaluyaluwa Tabuna 'eguya yalotoona, ta 'enega 'ebweu 'enana sinabwana yanonona 'atuwa nadigega yoguli 'ionaona gwauguya, 'igwaegwae,

E'ita'ita 17:3

Ga Yaluyaluwa Tabuna 'enega yalotoogu 'atuwa anilose nina 'i'au'ewegu sena mwatui daitaya, ga waine 'ebweuna ya'itena yobai bweyabweyalina 'igeluna, ta yobai nina bwalana maibo'ana 'enaya esana to'umalidi si'etoladidi, ta bulubuluna 'adi yau sebeni, be kunanao 'adi yau sanau.