Luke 19:47 - Loina Tabu Auwauna NT

⁴⁷ Ta 'asiyata 'ebweuna 'ebweuna Anuwa Tabu nina 'enaya 'ie'ie'ita, ta totaliya sinabwadi be loina 'ana toe'itao be wate toanuganao sitootoo be 'aene Yesu sida loemwawasi,

Luke 19:47 Kruisverwysings

Madiu 21:23

'Enega Anuwa Tabu 'ena 'ilugu ga 'ie'ie'ita, ta totaliyao sinabwadi be 'inapwanao simai ga Yesu sienaidena, sigwae, “Tai, yaita 'ina loinega ga gete nadigega 'uguiguinuwa'esa?”

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Maki 11:18

Ta totaliyao sinabwadi be loina 'ana toe'itao Yesu 'ina guinuwa gete tetelina sinonona, 'enega sigamwasowalena ga sinuwa edaedadama be sida loemwawasi, ta nigeya sawesawediya, manuna simatautena, ta wate Yesu 'ina e'itao tomota yauyaudi nuwadi 'i'ewena.

Maki 12:12

Yesu 'ina onasemalimali gete totaliyao sinabwadi be Palisiyao sinonona ga simwalatonina 'aene taudi tuga manudi 'ionaona, 'enega 'aina 'eda'eda si'ebesena be sida giyai, ta esi nigeya sigiyagiyai manuna simatauta pwalu 'ediya. 'Enega sipilisinena ga sitauya.

Maki 14:1

Ataona Sagalina 'ana 'ebe nuwa'i'ita 'ida apwesa 'asiyata 'eluwa mulidiya. Sagali nina 'enaya pwalawa daisina, nigeya 'ana 'ebe gieseseyamo, si'a'ani. Ta totaliyao sinabwadi be loina 'ana toe'itao sinuwanuwa edaedadama mwa'adega Yesu sida kabo'ese be 'aene sida giyai be sida loemwawasi,

Maki 14:49

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu 'ena ta yae'ie'ita tomota 'ediya? Ta tuwa tuga yage getedi siapwesama be 'aene palopitao 'idi gimisimana Buki Tabu solanaya sida apwesa.”

Luke 19:48

ta nigeya sawesawediya, manuna Yesu 'ina e'itao tomota yau wawasae nuwadi 'i'ewena.

Luke 20:19

Gote 'ena totaliyao be loina 'ana toe'itao 'aina 'eda'eda si'ebesena be 'aene Yesu sida giyai, manuna simwalatonina 'aene taudi tuga manudi 'iona semalimali, ta esi nigeya sigiyagiyai manuna pwalu 'ediya simatauta.

Yoni 10:39

Gote 'ena me Yudia nidi wate sitoona be 'aene sigiyai, ta esi 'ipili sinedi.

Yoni 18:20

'Enega Yesu 'ieonena, ga 'igwae, “'Abo'agu 'igu e'ita apwesaya tomota 'ediya anuwa tapwalolo soladiya ta wate Anuwa Tabu solanaya, 'enega me Yudia maibo'adi tuta nina 'ena silugulugu ga ni'atu 'igu e'itao sinonodi, manuna nigeya 'ediyega yada e'ita kwaiya.

Yoni 7:19

'Omi esi Mosese 'ami loina nina 'i'ebwa'emi ta nigeya 'ebweu yaita 'emiyega 'imulimuliya 'ai'aili. 'Enega to'ase manuna 'aene wada loemwawasa daidaisigu?”

Yoni 7:44

Ga 'aidi nuwanuwadi be Yesu sida giyai, ta nigeya 'ebweu yaita bwalana 'igitogitoo.