Luke 18:19 - Loina Tabu Auwauna NT

¹⁹ Ga Yesu tai nina 'ieonena, “Mwa'adega ga 'enega 'u'awa bobo'anegu? Manuna nigeya 'ebweu yaita bobo'ana, nate namo Yaubada.

Luke 18:19 Kruisverwysings

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Luke 11:13

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni 'aene yage bobo'adimo wa'ebwa'ebwa'edi. Nadigega wate Tamami galewaya 'ina 'ebwaya 'emiya bobo'ana wawasae, be 'abo wasisida 'enaya Yaluyaluwa Tabuna 'ida 'ebwa'emi.”

Luke 18:18

Me Yudia 'idi toanugana 'ebweu 'imai ga Yesu 'ienaidena, 'igwae, “'Inapwana, yamwalamwalatoni 'aene 'oyo toe'ita bobo'ana, 'enega to'ase yada guinuwe be 'enega yawasigu ataya yada loba?”

Luke 18:20

Ta Yaubada 'ina loinao ni'atu 'umwalamwalatonidi, nate 'aene: Geya'abo loelata, Geya'abo loemwawasa, Geya'abo 'ipwala, Geya'abo simana kabokabo, Ta wate tamayo be sinayo 'uda 'amayabedi.”

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.