Luke 16:31 - Loina Tabu Auwauna NT

³¹ Ta Ebelaamo wate 'igwae, ‘'Eguma Mosese be palopitao 'idi ona nigeya siemiemisedi, geya'abo sa'i 'ebweu wate yaita siemiemise, 'anabwa'ayoi 'abo 'ebweu tomwawasa 'itoolo limana be 'itatauya 'ediya.’

Luke 16:31 Kruisverwysings

Luke 16:30

Ta esi toesaesa nina 'iona, ‘Tamagu, natei nigeya sawesawenaya. Ta 'abo yaita mwawasega 'itoolo limana be 'itatauya 'ediya, be tauna si'itai, 'enega sida nuwa'ebuni 'ai'aila.’

Luke 17:1

'Enega Yesu 'ina tononoyao 'ieonedi, 'igwae, “Tomota 'aidi 'iabe 'ebetoo yaudi siguinuwedi 'emiya be 'aene sida giebe'uyemi, ta 'abo yaisigedi taudi 'ebe toona nidi siguinuwedi nuwa'ole'oledi sa'i!

Yoni 5:47

Ta 'ina simana nina nigeya waemiemise, 'enega nigeya sawesawenaya be 'igu ona waemise.”

Guinuwa 19:8

Ga nawalae 'etoi 'ediya me Yudia 'idi anuwa tapwalolo solanaya Paulo nina 'ilugulugu, ta Yaubada 'ina etoloina manuna ma ina 'atepatu 'ionaona, ta 'iegewagewana ta 'i'i'i'imidi.

Guinuwa 26:28

Ga Agalipa Paulo 'ieonena, “'Unuwena 'aene tuta kukupana namo 'ena 'ugie toekalesiyaegu!”

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

2 Kolinita 4:3

Ta 'eguma 'aina tomota 'ima e'itao nigeya simwalamwalatoni, taudimo esilae 'ina 'eda 'enega sitautauya.

2 Kolinita 5:11

Gete manuna tauna 'Inapwana nina 'amatautena ga tomota 'ediya 'aloguguya. Yaubada 'ima bubuna 'imwalamwalatoni ta yanuwayaina 'omi wate wamwalamwalatonima 'aene bobo'ama.