Luke 16:3 - Loina Tabu Auwauna NT

³ “'Enega to'ita'i'ita nina 'inuwanuwa, 'igwae, ‘Mwa'adega batu yaguinuwa'esa, manuna ni'atu 'igu 'inapwana 'ie'idi'idiyegu? Manuna nigeya kapekapeyana be yababagula, ta wate omayamaya 'abo yatautauya tomota 'ediya be masula manuna yaesidasida.’

Luke 16:3 Kruisverwysings

Madiu 20:8

“'Enega boi'unu 'enaya toni bagula nina 'ina paisewa 'ana to'ita'i'ita 'ieonena, 'igwae, ‘Toguinuwao maibo'adi 'ubwauyedima be 'adi maisa 'u'ebwa'edi, taudi tomai auwau 'ediyega 'ue'ale be 'adi maisa 'u'ebwa'edi be 'ana laba taudi 'asiyata maibo'ana 'ena sipaisewaya 'adi maisa 'ebe losalowa 'enaya 'u'ebwa'edi.’

Maki 10:46

'Enega simai Yeliko 'ena, ga tuta nina Yesu ma ina tononoyao Yeliko sipilisinena, boda sinabwana si'oayabudi, ga tomata kebokebo 'ana esana Batimio silobena, tauna Timio natuna, ta tuta yauna 'eda tupitupinaya 'imiyami ta 'iesidasida mani be gwegwe manudi.

Luke 12:17

'Enega tai nina taunamo 'inuwa edaedadama, ga 'igwae, ‘Sesoi sinabwana ta 'igu anuwa masula nigeya sawesawediya. 'Enega to'ase yaguinuwe?

Luke 16:2

'Enega toesaesa nina 'ina to'ita'i'ita 'ibwauyenama ga 'ieonena, 'igwae, ‘'Aina simana to'umalina manuyo yanonona, 'enega gete tuga 'igu gwegwe 'adi pwepwaiyao 'u'ebwaya limagu ta 'eguyega 'uda apwesa.’

Luke 16:20

Ta Lasalo gomagomabesona ta lobonubonuna, 'enega Lasalo nina toesaesa 'ina anuwa mata'awaninaya 'imiyami,

Luke 16:22

Ga tuta nina Lasalo 'imwawasa aniloseyao si'au'ewena ga Ebelaamo selabenaya sisa'una topalupaludi 'idi senaya. 'Enega muliyega wate toesaesa nina 'imwawasa ga sisa'u 'ali'aliyena,

Luke 16:4

'Inuwanuwa ga 'ebweu 'eda 'inuwalobena, 'igwae, ‘O, gete nadigega yaguinuwa'esa be 'enega gosegwao yaudi yalobadi, 'abo paisewa gete 'enega yaapwesa.’

Luke 18:4

“Tuta 'ebweuna 'ebweuna nadigega 'ina guinuwa, ta toloina nina geya nuwana be 'ileme. Ga 'ebweu tuta 'enaya toloina nina 'ie'oata'oata, 'enega taunamo 'ena 'igwae, ‘Tuwa tuga Yaubada nigeya yamatamataute ta wate tomota nigeya yada 'amayabedi,

Yoni 9:8

Gote 'ena tai nina gosenao be wate 'aidi tomota simwalatonina 'aene tauna toesidasida, ga sigwae, “'Aene tauna gete toesidasida nina tuta yauna 'imiyami ta 'iesidasida, aga?”

Guinuwa 3:2

Ta Anuwa Tabu nina 'ana 'awa sieesena Kausala selabenaya, tolopegoi 'ebweu 'imiyami, tauna 'ina tuta tubuwa 'enega ma ina lopegoi, 'enega gosenao 'asiyata 'ebweuna 'ebweuna 'ediya sime'eme'e 'awa nina 'ena be 'iesidasida 'ina mani nai 'ina gwegwe manudi, Anuwa Tabu 'ana toluguyao 'ediya.

Guinuwa 9:6

Ta esi 'utoolo be 'ululugu 'asaya be nada 'amu emataluwa 'uda nono, be 'uda guinuwa.”

2 Tesalonaika 3:11

Ni'atu tetelimi 'anonona 'aene 'aidi 'emiyega tologwautoyasa, ta nigeya sida miyabaula be sida paisewa.