Luke 16:19 - Loina Tabu Auwauna NT

¹⁹ Ta Yesu wate 'ieonedi, 'igwae, “'Ebweu tuta 'ena toesaesa 'ebweuna ta Lasalo simiyami. Toesaesa nina 'ana 'oamao bobo'ai'ailidi ta wate 'ana masulao maibo'adi bobo'adi, 'enega 'asiyata 'ebweuna 'ebweuna 'ediya ma ina gwausowala.

Luke 16:19 Kruisverwysings

Maki 15:17

'Enega toesaesao 'adi 'oama bweyabweyalina 'enega Yesu sie'oamena ga 'ana peyaula kwakwakwala 'ediyega siguinuwena ga debanaya sisa'una.

Maki 15:20

'Enega 'idi tuyeya 'igumwala, ga 'oama esaesa 'enega sialolona, ta tauna 'ana 'oamega sie'ote limena, ga si'au'ewena sabi giekelosena.

Luke 15:13

'Enega 'asiyata 'aina sigumwala ga megwamana nina 'ina gwegwe 'iegimwaneyedi, ga 'ana e'isa mani 'i'ewena, 'enega sena nina 'ipilisinena, ga sena 'edasolaya 'itauya ga nada gwausowala besobesoega 'ina mani 'iloegumwalina.

Luke 16:1

Yesu wate onasemalimali 'ebweuna 'ina tononoyao 'i'ebwa'edi, 'igwae, “Toesaesa 'ebweuna ma ina to'ita'i'ita 'ina gwegweyao manudi ma'iyana simiyami. Ga 'ebweu tuta 'ena 'aina tomota ale sime'ena 'inapwana nina 'enaya, sigwae, ‘'Inapwana, 'imu to'ita'i'ita nina 'imu gwegweyao 'ediyega 'iguiguinuwa besobeso.’

Luke 16:18

Ta Yesu wate 'ediya 'igwae, “'Abo yaita tai mwanena 'isa'ile be 'iaibala mali waine 'ena, tauna ni'atu 'iloelata. Ta wate 'eguma waine sa'isa'ilina 'iai limana mali tai 'ena, tai nina tauna wate ni'atu 'iloelata.”

Luke 16:20

Ta Lasalo gomagomabesona ta lobonubonuna, 'enega Lasalo nina toesaesa 'ina anuwa mata'awaninaya 'imiyami,

E'ita'ita 17:4

Ta waine nina 'ana 'oama 'ina bweyabweyala 'atuwa toesaesao 'adi 'oama, ta 'ana iyaiyalao goula be gulewa esaesadi be pakuyao, ta nimanaya keiga goula 'igiyaina, ni'atu 'iloemaena bubuna to'umalina 'enega, loelata manuna.

E'ita'ita 18:16

sigwae, “Oioi, oioi, 'asa gote sinabwana lowa 'ieiyala kaleko esaesa, be 'oama wakewakekedi be bweyabweyalidi, be goula, be gulewa esaesa, be paku 'ediyega,

E'ita'ita 18:7

Ta wate 'ina ona gagasa be 'ina sogala 'adi e'isa 'uda 'ebwa'e, uya be dedoi, manuna taunamo 'ena 'igwae, ‘'Abo'agu kuwini, nigeya wate kwabula 'ina sena 'ena yamiyami, ta wate geya'abo dedoi yalobaloba.’