Luke 16:13 - Loina Tabu Auwauna NT

¹³ “'Enega toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awa bobo'ane ta 'ebweuna 'i'awa to'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.”

Luke 16:13 Kruisverwysings

Madiu 4:10

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Madiu 6:24

Toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awabobo'ane ta 'ebweuna 'i'awato'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.

Luke 11:23

“'Eguma yaisigedi taudi nigeya 'agu tolemao, taudi 'agu talauwalao. Ta wate yaisigedi taudi nigeya ma'egwao 'ada paisewa egogonaya, taudi 'igu paisewa sigiegie to'umaliye.

Luke 14:26

“Yaita 'abo nuwanuwana be 'imuliyegu, nugana 'ida yala'ai'ailigu ta tamana be sinana be mwanena be natunao be tasinao be nuunao ta wate tauna tuga manuna 'ida guitoyasedi. Ta 'eguma nigeya, tauna nigeya 'agu tomuliya.

Luke 16:12

Ta 'abo wate gosemiyao 'idi esaesa manudi nigeya waguiguinuwa 'ai'aila, geya'abo wate Yaubada 'imi esaesa nina 'i'ebwa'ebwa'emi.

Luke 16:9

'Enega Yesu wate 'ieonedi, “Bale'u esaesanao to'umalidi, ta 'abo esaesa nidi 'ediyega gosemiyao waobobomedi ma'etamo taudi siaesotami 'ebemiya ataya 'enaya, tuta nina esaesa nidi sigugumwala.

Luke 9:50

Ta Yesu 'igwae, “Geya'abo wa'eto'etobode! Manuna 'abo yaita tauna nigeya 'ietaetalauwalemi, tauna 'ami tolema.”

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.