Luke 14:26 - Loina Tabu Auwauna NT

²⁶ “Yaita 'abo nuwanuwana be 'imuliyegu, nugana 'ida yala'ai'ailigu ta tamana be sinana be mwanena be natunao be tasinao be nuunao ta wate tauna tuga manuna 'ida guitoyasedi. Ta 'eguma nigeya, tauna nigeya 'agu tomuliya.

Luke 14:26 Kruisverwysings

Madiu 10:37

“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu.

Luke 14:20

Ta wate 'ebweu 'igwae, ‘'Abo'agu auwaugu yaai, 'enega nai geya'abo yaweewai.’

Luke 14:25

Ta ni'atu pwalu sinabwadi ma'enao sitautauya, ga 'enega Yesu 'isanaila ga boda nidi 'ieonedi,

Yoni 12:25

Tuga wate nadigega 'abo yaita tauna yawasina 'iyale bale'u 'ana miya manuna, yawasina bobo'ana 'iloseye, ta 'abo yaita tauna bale'uya yawasina 'itagwale, tuta 'imeemai 'enaya yawasina ataya 'iloba.

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

Loma 9:13

Nadigega wate Yaubada 'isimana Buki Tabu 'enaya, 'igwae, “Yekobe yaesinuwena ga yaobobomena, ta esi Iso yaguitoyasena.”

Pilipai 3:8

Ona'ai'aila, 'igu 'Inapwana Yesu Keliso 'ana mwalatoi bobo'ana wawasae, ga esaesa bale'u 'ibobo'ana sinedi, 'enega esaesao nidi ya'awa yage besobesoedi, ga Keliso nina manuna yage maibo'adi yaloseyedi ga ya'awa to'umaliyedi, manuna nuwanuwagu Keliso namo,

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.