Luke 14:18 - Loina Tabu Auwauna NT

¹⁸ “Ta maibo'adi geya nuwadi, 'enega mali ona be mali ona si'ebwa'ena. 'Ebweuna 'igwae, ‘Ni'atu tanowa auwauna yagimwanena, 'enega nai yatatauya be yayausi. Ta kagutoki sinabwana, nai geya'abo yaweewa.’

Luke 14:18 Kruisverwysings

Luke 14:17

Ta ni'atu masula 'igibubuna ga 'ina 'ali'ei 'ietunena tomotai nidi 'ediya ga 'ieonedi, ‘Ni'atu masula sigibubuna, 'enega wamai be tatatauya be 'e'ai nina wada 'ai.’

Luke 14:19

Ta 'ebweuna wate 'igwae, ‘Kagutoki sinabwana, nai 'abo'agu wate geya'abo yaweewa, manuna bulumakau sanau ta wate 'ebe gesowa nima ni'atu yagimwanedi, 'enega yatautauya be 'aene yada eguinuwaedi, be yada epaisewa toodi.’

Luke 18:24

Ta 'ina nuwamwau nina ni'atu Yesu 'imwalatonina, 'enega tomota 'ediya 'igwae, “'Abo yaisigedi taudi ma idi esaesa sinabwana 'idi lugu Yaubada 'ina 'ebeloina 'enaya mwau wawasae.

Luke 8:14

Ta atu nidi kwakwakwala 'ediya sibe'uya tomotai nidi taudi ona nina sinono, ta 'idi nuwanuwa maibo'ana 'itautauya esaesao be bale'u gwausowalinao ta wate yage yauna 'ediya, ta 'enega Yaubada 'ina ona 'ediya nigeya uwana 'ida apwesa.

Yoni 1:11

Ta tuta nina tauna 'imai 'ina bu'unao 'ediya taudi wate sie'idi'idiyena.

Yoni 5:40

Ga 'enega geya nuwami be yawasimi ataya manuna wamama 'eguya.

Pilipai 3:4

Ona'ai'aila, sawesaweguya be esaesa bale'u manuna yada onatu'e, manuna 'abo'agu 'agu esana tomota yaudi 'adi esanao 'iloetana sinedi,

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

2 Timoti 4:4

Ta e'ita dumadumadi 'adi muliya 'enega e'ita 'ai'aila sipilisine.

Ibeliu 12:16

Geya'abo waloeloelata, ta wate geya'abo Yaubada 'ina oboboma waguiguitoyase, nadigega Iso lowa Yaubada 'ina onaupaupa tauna manuna ta 'ipelena tasina 'enaya, 'ana maisa 'e'ai 'ebweuna namo.