Luke 12:32 - Loina Tabu Auwauna NT

³² Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Luke 12:32 Kruisverwysings

Madiu 14:27

Ta Yesu 'ieonedi, “Geya'abo wamatamatauta. 'Abo'agu tuga, 'imi 'inapwana.”

Madiu 20:16

'Enega taudi simulimuliya ma'etamo sida nugana ta taudi sinuganugana ma'etamo simuliya.”

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Luke 10:21

Gote tuta nina 'enaya Yaluyaluwa Tabuna Yesu 'igiegwausowalena ga 'igwae, “Kagutoki Tamagu, 'oyo galewa be bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega ta esi gogama gidalidi 'ediya 'ue'itaena. Ona'ai'aila Tamagu, 'imu nuwanuwa gete bobo'ana.”

Yoni 18:36

Ta Yesu 'iona, “'Igu 'ebeloina nigeya gete bale'uya. 'Eguma nadigega, 'igu 'ali'eiyao sida losaiya manugu be geya'abo me Yudia sigiyagiyaigu. Ona'ai'aila, 'abo'agu nigeya 'igu 'ebeloina bada.”

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

2 Tesalonaika 1:11

Lowa Yaubada 'iesinuwemi ga 'ibwauyemi, ga 'enega waemisena. Gete manuna 'abo'ama tuta yauyauna 'asidasida manumi be 'aene wada muliya 'ai'aili. Manuna 'omi nuwanuwami be emisa 'ai'ailega wada bubuna palupalu, 'enega 'ima sidasida Yaubada 'enaya 'aene 'ida giewaiwaiyemi be guinuwa nidi wada guinuwedi.

2 Tesalonaika 1:5

Gete 'ebe'ita be 'enega Yaubada 'ina loina palupaluna tada mwalatoni, manuna 'imi miyamwau nidi 'ediyega 'igiepa'alimi, be 'enega 'ina 'ebeloina 'ana lugu 'ida lobwenemi.

Ibeliu 12:28

Gete 'ida sena auwauna 'ena talugulugu, waiwaina ta miyamiya atayana, 'enega 'ilobweneda be Yaubada 'enaya tada lokagutoki, be tada lotapwalolo to'ase 'ina nuwanuwa 'ana lobwene nadigega, be wate tada 'amayabei ma ida matauta,

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

2 Pita 1:11

be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.