Luke 12:18 - Loina Tabu Auwauna NT

¹⁸ Nai gete nadigega, anuwa masula kadekadelidi yaligeya yauyauledi be auwaudi ta sinabwadi ya'abidi be 'enega masula ta wate 'igu gwegweyao maibo'adi 'ediya yasa'udi,

Luke 12:18 Kruisverwysings

Madiu 6:26

Gete 'ebweu 'ebe'ita ya'ebwa'emi manuwao 'ediya, tuta yauna nigeya sida dauna, nai sida sesoi, ta wate nigeya 'idi anuwa masulamo. Manuwao nidi yage gidalidi ta tuwa tuga Tamadai galewaya tuta yauna 'adi masula 'i'ebwa'ebwa'edi. Ta esi wada nuwa'i'isi 'aene 'omi sinabwami Yaubada 'enaya, 'enega sawesawenaya be 'ie'enimi.

Luke 12:17

'Enega tai nina taunamo 'inuwa edaedadama, ga 'igwae, ‘Sesoi sinabwana ta 'igu anuwa masula nigeya sawesawediya. 'Enega to'ase yaguinuwe?

Luke 12:19

be muliyega ma igu gwausowala sawesaweguya be yaona, yagwae, “'Ebweu toesaesa 'abo'agu. Ni'atu yagibubuna ataya ta 'igu esaesao maibo'ana sawesaweguya yakwala 'eisa simeemai manudi. 'Enega paisewa 'enega yada eyawai'ata ta esi gwausowala namo, manuna ni'atu 'agu 'e'ai be 'agu bwasi maibo'ana sawesaweguya.”

Luke 12:21

Ta Yesu 'ina ona 'ana 'ebe losalowa 'ena 'igwae, “Ona'ai'aila, 'eguma yaita esaesa manuna 'ipaisewa be 'imiya esaesa gwegwe bale'uya 'ediyega ta nigeya galewa 'ana esaesa 'ediyega, tauna uwauwana!”

Luke 12:24

“Gete 'ebweu 'ebe'ita ya'ebwa'emi kaokao manuna, tuta yauna nigeya sida dauna, nai sida sesoi, ta wate nigeya 'idi anuwa masulamo. Kaokao nidi yage gidalidi ta tuwa tuga Yaubada tuta yauna 'adi masula 'i'ebwa'ebwa'edi; ta esi wada nuwa'i'isi 'aene 'omi sinabwami Yaubada 'enaya, 'enega sawesawenaya be 'ie'enimi.

Luke 18:4

“Tuta 'ebweuna 'ebweuna nadigega 'ina guinuwa, ta toloina nina geya nuwana be 'ileme. Ga 'ebweu tuta 'enaya toloina nina 'ie'oata'oata, 'enega taunamo 'ena 'igwae, ‘Tuwa tuga Yaubada nigeya yamatamataute ta wate tomota nigeya yada 'amayabedi,

Luke 18:6

'Enega Yesu wate 'ieonedi, 'igwae, “'Inapwana gete 'ina ona manuna wada nuwanuwa. Ona'ai'aila tauna tai to'umalina ta esi kwabula 'ilemena.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

Yemesa 4:13

Wada enono 'ai'aila, 'abo yaisigedi 'omi waona gagasa be wagwae, “Batuwa nai gibwa'i 'atatauya 'aidi 'asa sinabwadi 'ediya, be nada yakwala 'ebweuna 'amiyami, be tauma 'ima guinuwa 'ada guinuwedi, be 'ada eesaesa.”

Yemesa 4:15

Ta esi 'ilobwenena gete nadigega wada gwae, “'Abo 'inapwana 'itatagwala, 'ada miyami, be yage nidi nuwanuwama 'ada guinuwedi.”