Luke 11:13 - Loina Tabu Auwauna NT

¹³ Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni 'aene yage bobo'adimo wa'ebwa'ebwa'edi. Nadigega wate Tamami galewaya 'ina 'ebwaya 'emiya bobo'ana wawasae, be 'abo wasisida 'enaya Yaluyaluwa Tabuna 'ida 'ebwa'emi.”

Luke 11:13 Kruisverwysings

Madiu 5:16

'Omi wate nadigega, 'ilobwenemi be 'imi maedana wada giesae tomota 'ediya, be 'enega 'imi guinuwa bobo'ana sida 'ita, ta Tamami galewaya sida tupui.

Madiu 5:45

Gete 'enega tamada galewaya 'ida 'awanatunemi, manuna tauna oboboma 'alena, be tauna 'ina sinala 'isaesae toto'umalidi be wate tobobo'adi 'ediya, ta wate 'ina 'usana 'itagwatagwale topalupaludi be wate taudi nigeya topalupaludi 'ediya.

Madiu 6:14

'Eguma 'omi gosemiyao 'idi loegesiyao 'emiya wanuwataudi, Tamami galewaya wate 'imi loegesiyao 'inuwataudi.

Madiu 6:30

'Enega wanuwanuwa Yaubada 'ina 'ita'i'ita 'emiya manuna. Tauna pwatula 'ieiyalidi senina bobo'adi 'ediyega; batuwa sisenina ta gibwa'i si'oapelu be sigabudi, ta 'omi pwatula wabobo'ana sinedi, 'enega ona'ai'aila, 'ami 'oamao 'ida 'ebwa'emi. 'Enega geya'abo 'imi emisa Yaubada 'ena 'ineeneta.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Madiu 7:11

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni, 'aene yage bobo'adimo wa'ebwa'ebwa'edi. Nadigega wate Tamami galewaya, 'abo wasisida 'enaya, 'imwalatonina to'ase bobo'ana 'ilobwenemi be 'ida 'ebwa'emi.

Luke 11:12

Nai 'abo wate pou manuna sisisida, ganiyeya wa'ebwa'edi? Nigeya sa'i!

Luke 11:2

'Enega Yesu 'ediya 'igwae, “Gete nadigega wasidasida'esa, wagwae: Tamama, 'amu esana 'a'amayabei, ta 'asideyo be 'oyo 'uda loinema.

Luke 18:7

Wate nadigega Yaubada 'iabe 'ina tomotaiyao esiesinuwadi 'ilemedi tuta nina 'abo si'awa'awanoi limalimana 'enaya, 'asiyata be boiboi 'ediya,

Yoni 4:10

Ta Yesu waine Samelia nina 'ieonena, 'igwae, “'Eguma 'umwalamwalatoni Yaubada 'ina oboboma 'emuya, ta wate 'abo 'umwalatonina 'aene yaita 'abo'agu numa manuna yasidasidawa, 'oyo esi 'ilobwenemu be 'eguya 'uda sida bwasi yawasiyo manuna, be yada 'ebwa'eyo.”

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Loma 5:17

Ona'ai'aila, tai 'ebweuna namo 'ina to'umalina 'enega mwawasa 'iapwesa ga tomota maibo'adi 'igie to'umaliyedi. Ta esi tai 'eluwena 'ina guinuwa waiwai wawasae, tauna Yesu Keliso, Yaubada 'ina oboboma 'i'ebwaya daitena tomota yaudi manudi, be 'enega yaisigedi sitagwaledi 'enaya 'i'awa bobo'anedi, be yawasidi bobo'ana 'enega siloba.

Loma 7:18

Yamwalatonina nigeya 'ebweu wate bubuna bobo'ana bwalaguya 'imiyami, manuna bubuna bobo'ana nuwanuwagu ta esi nigeya sawesaweguya be yaguinuwe.

Loma 8:32

Manuna Yaubada natu 'ai'ailina nigeya 'iegagale, ta esi maibo'ada manuda 'itagwalena ga 'i'ebwa'eda, 'enega yage maibo'ana wate 'iabe 'edaya 'ida 'ebwaya daisida.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.