Luke 10:39 - Loina Tabu Auwauna NT

³⁹ Ta waine nina tasina wate 'imiyami, 'ana esana Meli, ga Meli nina 'imai ga Yesu selabenaya 'imiyatowa, be 'ina ona sabi enonoedi.

Luke 10:39 Kruisverwysings

Luke 10:42

ta esi 'ebweuna namo yage sinabwana manuna 'uda nuwanuwa, nadigega tasiyo Meli 'ina esinuwa. Meli nuwanuwana be 'igu ona 'ida nonodi, 'enega geya'abo 'ebweu yaita 'i'eto'etobodei.”

Luke 2:46

ta nigeya silobaloba 'ana laba 'asiyata 'etoi sigumwala, ga silobena Anuwa Tabu solanaya, me Yudia 'idi toe'itao ma'enao simiyami, 'ienoenonoedi ta wate 'ienaenaida 'ediya.

Luke 8:35

'Enega tomotai nidi simai be 'aene taudi matadiyega sida 'ita to'ase 'iapwesa. 'Enega Yesu 'ena simai ga tai nina si'itena lowa yaluyaluwa bi'i solanaya simiyami ni'atu 'ibobo'ana ga 'oama 'i'otena ta Yesu 'aena selabenaya 'imiyatowa. Gote 'ena maibo'adi simatauta.

Yoni 11:1

'Ebweu tai le'oale'oasina 'ana esana Lasalo. Lasalo tauna Betani taina, ta wate nuunao 'eluwa, nate Meli be Malida ma'enao simiyami.

Yoni 11:19

'enega me Yudia yaudi ma idi 'atenuwa'ole'ole simai be 'aene Malida be Meli nuwadi tupwana sida giebobo'anedi nuudina manuna.

Yoni 12:3

Ta Meli 'ebweu bunama 'ana esana nadi, ta 'ana maisa sinabwana, 'i'ewena ga Yesu 'aena 'ibunamidi. 'Enega muliyega Meli nina 'ikopu ga 'uya'uyanega Yesu 'aena 'ilo'i'ilina. Ta gote 'ena bunama nina maina sinabwana ga anuwa 'iloemaena.

Guinuwa 22:3

'Abo'agu goma Yudiagu, Tasisi, Silisia 'asana, 'ena yatubuwa, ta bada Yelusalema 'enaya yasikulu, 'igu toe'ita 'ana esana Gamelieli, ta 'ie'itegu tubudao 'idi loina pa'alina 'enega, ga Yaubada 'ina guinuwa 'ena yatagwala 'ai'ailegu, nadigega gete tuga 'omi 'imi tagwala.