Luke 10:22 - Loina Tabu Auwauna NT

²² 'Enega wate 'igwae, “Yage yauyauna ni'atu Tamagu nimaguya 'isa'udi, ta Tamagu tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.”

Luke 10:22 Kruisverwysings

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 11:27

Ta wate 'igwae, “Yage yauyauna ni'atu Tamagu nimaguya 'isa'udi, ta Tamaguna tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.

Madiu 28:18

'Enega Yesu 'imai 'ediya ta 'ieonedi, 'igwae, “Tamagu loina maibo'ana galewaya ta bale'uya ni'atu 'i'ebwa'egu.

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 10:15

Nadigega tuga Tamagu 'imwalatonigu ta 'abo'agu wate yamwalatonina. Ta wate 'abo'agu yawasigu ni'atu yatagwalena be 'igu sipiyao manudi yamwamwawasa.

Yoni 13:3

Yesu ni'atu 'imwalatonina 'aene Yaubada yage maibo'adi 'i'ebwa'ena be tauna 'ida loina, ta wate 'imwalatonina 'aene tauna Yaubada 'enega 'imai, be wate Yaubada 'ena 'ida ila.

Yoni 17:10

Ta to'ase nadigega 'eguya simiyami 'oyo 'imu 'ebeloina, ta to'ase nadigega 'emuya simiyami 'abo'agu 'igu 'ebeloina, be tomota getedi manudi 'agu esana ni'atu 'isinabwa.

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

Yoni 17:26

'Enega ni'atu 'imu bubuna yae'itaena 'ediya, ta ma'etamo wate yada e'ita limadi be sida mwalatoi 'ai'ailiyo, 'enega 'imu oboboma nina 'ateguya 'imiyami, taudi wate 'atediya 'ida miyami, ta 'abo'agu wate 'ediya yada miyami.”

Yoni 17:5

Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.

Yoni 3:35

'Inapwana Natuna 'iobobomena 'enega yage maibo'ana nimanaya 'isa'una,

1 Kolinita 15:24

be muliyega Keliso nina toloinao maibo'adi 'iewaiwai sinedi be welabanao be yaluyaluwa to'umalidi maibo'adi 'iewaiwai sinedi, be tuta 'ana 'ebe losalowa 'enaya Keliso 'ina loina 'ida 'ebwaya Tamana 'enaya.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

Epeso 1:21

'enega Keliso 'ina loina loinao maibo'adi 'iloetana sinedi, nai aniloseyao 'idi loina nai yaluyaluwao bi'iyao 'idi loina, nai taudi ma 'adi esana sinabwadi 'idi loinao, gete tuga be tuta simeemai 'ediya.

Ibeliu 2:8

Ta waiwai wate 'u'ebwa'ena be yage maibo'adi 'iloinedi.” Ta 'ina 'ebeloina yage maibo'ana manuna. Ta nigeya gete tuga, ta ma'etamo esi be yage maibo'adi 'ediya 'ida loina.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

2 Yoni 1:9

Ta 'eguma watauya gesi be Keliso 'ina e'ita wapilisine, 'omi Yaubada wamiyamiya sine, ta esi 'eguma Keliso 'ina e'itao wagiyai 'i'isidi, Tamadai be wate Natunana 'emiya simiyami.