Luke 10:17 - Loina Tabu Auwauna NT

¹⁷ Ta ni'atu 'ana tomuliyao site sebeniti 'idi paisewega siilama ga ma idi gwausowala Yesu 'ena siemwasala, sigwae, “'Inapwana, 'ada simana 'emuya 'aene yaluyaluwa bi'iyao ni'atu 'amu esanega 'aloiloinedi ga siapwesa.”

Luke 10:17 Kruisverwysings

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Maki 16:17

“Ta 'agu toemisao nidi we'iwe'iyaya waiwaidi sida guinuwedi, nate 'agu esanega yaluyaluwa bi'i tomota 'ediyega sida ula apwesedi, be 'enana dumadumadi be dumadumadi 'ediyega sida onaona,

Luke 10:1

Tuta gete mulinaya, Yesu 'aina wate 'ana tomuliyao 'iesinuwedi, sebeniti 'adi yau, ga 'eluwa 'eluwa 'ietune nuganedi 'aina 'asa 'ediya be toni'asa sigibubudi Yesu 'ina mai 'ediya manuna.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

Luke 10:9

Ta wate 'asa nina 'ena wamiyami 'idi tole'oasao wada giebobo'anedi, ta wate toni'asao waeonadi, wagwae, ‘Yaubada 'ina loina selabenaya be 'iapwesa 'emiya.’

Luke 9:1

Ta Yesu 'ina topaisewao site tuwelo 'ibwau egogonedima ga 'adi loina be waiwai 'i'ebwa'edi be 'enega sawesawediya yaluyaluwa bi'i tomota 'ediyega sida ula apwesedi, ta wate 'adi le'oasao sida giebobo'anedi.

Loma 16:20

Ona'ai'aila, Yaubada tauna nuwasiwalowa 'alena, be sawesawenaya Seitani 'ida 'ausepale maniniye 'emiyega. 'Enega 'ida 'Inapwana Yesu Keliso 'ina oboboma 'emiya 'ida miyami.

Epeso 5:24

ga toekalesiyao 'abo'ada Keliso 'ina ona taematamatanedi, 'enega nadigega wate iine 'ilobwenedi be mwanediyao 'idi ona yage maibo'adi manudi sida ematamatanedi.