Loma 9:16 - Loina Tabu Auwauna NT

¹⁶ Gete 'enega 'ie'iteda 'aene Yaubada 'ina oboboma nigeya 'ida apwesa daita, tomota 'ida nuwanuwao nai 'ida guinuwao 'ediyega, ta esi tauna tuga 'ina 'atenuwa 'ole'oleyega.

Loma 9:16 Kruisverwysings

Madiu 11:27

Ta wate 'igwae, “Yage yauyauna ni'atu Tamagu nimaguya 'isa'udi, ta Tamaguna tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.

Madiu 4:8

Ta Seitani Yesu 'i'au'ewena 'oya sinabwana etaninaya ga gote 'ena 'ebeloina esaesa bale'uya maibo'adi Yesu 'ie'itena

Luke 10:21

Gote tuta nina 'enaya Yaluyaluwa Tabuna Yesu 'igiegwausowalena ga 'igwae, “Kagutoki Tamagu, 'oyo galewa be bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega ta esi gogama gidalidi 'ediya 'ue'itaena. Ona'ai'aila Tamagu, 'imu nuwanuwa gete bobo'ana.”

Yoni 3:8

Nadigega tuga yagila 'ina towa, be mane 'enega nuwanuwana be 'itotowa tuga 'ida towa, ta 'enana 'uda nonodi 'idududuma, ta nigeya 'uda mwalatonina mane 'enega yagila 'imeemai nai mane 'ena 'itautauya. Nadigega wate taudi yaluyaluwa 'enega situbuwa limana.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Epeso 2:8

Ona'ai'aila, 'ina obobomega ni'atu 'i'etoseyemi, 'imi emisa manuna, ta nigeya taumi 'imi guinuwa 'ediyega, ta esi Yaubada 'ina oboboma 'enega.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.