Loma 8:26 - Loina Tabu Auwauna NT

²⁶ Yaluyaluwa Tabuna wate 'ida neneta 'ediyega 'ilemelemeda, manuna 'ida 'awanoi 'ediya nigeya tamwalamwalatoni mwa'adega tasidasida'esa, ta esi Yaluyaluwa Tabuna manuda 'ietaetapewa, ta ma 'enana 'isida waiwai Yaubada 'enaya.

Loma 8:26 Kruisverwysings

Madiu 10:20

ta nigeya 'aene 'omi waonaona ta Yaubada yaluyaluwana 'emiyega 'ionaona.

Madiu 20:22

'Enega Yesu tai nidi 'ieonedi, “'Omi 'imi sida gete 'ana mwalatoi nigeya wamwalamwalatoni. Mwa'adega, 'elouya keigana 'enega yanunuma kapekapeyana be 'omi wate 'enega wanunuma?” Ta sigwae, “Sawesawemaya.”

Luke 22:44

ta nuwana 'imwau wawasae, 'enega 'isida waiwai ga 'ana amweyai sipesupesu bale'uya, 'atuwa nadigega lala 'idaudau.

Yoni 14:16

ta ma'etamo Tamagu 'ena yada sida be tauna wate 'ami tolema 'ebweu 'ida 'ebwa'emi. Tauna tolema nina Yaluyaluwa 'esasena ta palupaluna, be tauna 'emiya 'ida miyaataya.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

Loma 7:24

Nuwa'ole'olegu sa'i! Manuna nigeya 'ebweu yaita sawesawenaya be bwalagu 'ina guinuwa to'umalina 'enega 'ida 'etoseyegu.

Loma 8:15

'Enega Yaubada nigeya tamatamataute, manuna ni'atu 'i'awa natuneda ga 'abo'ada nigeya nadigega 'ina topaisewao tuga, ta esi 'abo'ada ma ida 'atepatu ta'awatamane, tagwae, “Aba! Tamagu!”

2 Kolinita 5:2

Gete tuga bale'uya ma ida nuwamwau tayamwayamwa, nuwanuwada 'ida anuwa galewaya tada 'ewa,

2 Kolinita 5:4

Ona'ai'aila, ma'etamo anuwa bale'u 'ena tamiyami ma ida 'elouyao be ma ida nuwanuwa yauna tuga, ta nigeya 'aene 'ada 'oamao taalolodi ta esi 'aene 'ada 'oama auwauna ta'ote, be 'enega bwalada sawasawalidi sida sa'ugelasa yawasida auwauna 'enaya.

Galetia 4:6

'Enega wate Yaubada Natuna yaluyaluwana 'atedaya 'isa'una, ga Yaubada nina 'i'awa tamanena, 'igwae, “Aba! Tamagu!”

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Epeso 6:18

Tuta maibo'ana Yaluyaluwa Tabuna 'ina lema 'enega wada sidasida, be wada 'awa'awanoi Yaubada 'enaya, be ma imi toolopa'ala wa'ita'i'isimi be wasidasida toekalesiyao maibo'adi manudi,

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 5:2

'Ida totaliyao nidi sida bubuna nuwana toemwagemwageyao be toloegesiyao 'ediya, manuna totaliyao tomota tuga, ma idi neneta.

Yemesa 4:3

Ta 'abo wasidasida manudi, ta nigeya 'adi e'isa wada lobedi, 'alena gete 'imi sidasida nina nigeya bobo'ana, ta 'aene yage nidi manudi wasidasida nate taumimo 'imi gwausowala manuna.