Loma 8:24 - Loina Tabu Auwauna NT

²⁴ Ona'ai'aila, 'etoseyana gete emisega talobaloba, manuna gete tuga ooda nigeya 'adi gieauwau talobaloba, 'enega ma ida emisa tada yamwayamwana 'ana laba 'ida emisa nina uwana taloba, be 'enega 'ida emisa 'ida losa'u.

Loma 8:24 Kruisverwysings

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 15:4

Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

Loma 4:18

Ta Ebelaamo onaupaupa nina 'aene tauna sena yaudi tamadi 'inuwayaina sinabwana be 'aene 'etamo 'ida apwesa. 'Anabwa'ayoi 'aina yage mwaudi 'ilobedi, ta tuga 'ie'alama'i'itana manuna Yaubada 'ieonena, “'Etamo tubumwao yaudi sida apwesa.”

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Loma 8:20

Ta Yaubada 'ina mwelumweluluwao nigeya to'umalidi, ta esi 'iloinedi be gete tuga sida eyage besobeso, ta esi mwelumweluluwa nidi ma idi emisa,

1 Kolinita 13:13

Yage sinabwadi 'etoi simiya ataya, nate emisa, be nuwayaina, be oboboma, ta maibo'adi 'ediyega oboboma 'isinabwa sinedi.

2 Kolinita 4:18

Manuna 'ida 'ebe masi yage nidi nigeya ta'ita'itadi 'ediya. Ona'ai'aila, yage nidi ta'ita'itadi sawasawalidi tuga, ta esi yage nidi nigeya ta'ita'ita taudi yage miyamiya atayadi.

2 Kolinita 5:7

manuna 'ida emisa 'enega tatautauya ta nigeya duneyega.

Galetia 5:5

Manuna 'abo'ada Yaubada taemisena be 'aene 'i'awa palupaluyeda. Gete 'ida nuwayaina Yaluyaluwa Tabuna 'enega, ga manuna tayamwayamwa.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

1 Tesalonaika 5:8

Ta 'abo'ada esi 'atuwa maemaedanida, 'enega taudamo tada 'ita'i'isida, be yaluyaluwada tada lawa Yaubada 'ana emisa be 'ana oboboma 'ediyega, ta wate 'ida nuwayaina 'ada 'etoseyana tada loba 'enega.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

Taito 3:7

Ta taunamo 'ina obobomega 'i'awa palupaluyeda ga yawasida ataya 'ana nuwayaina 'i'ebwa'eda.

Ibeliu 11:1

'Abo to'ase bobo'ana tanuwayaina 'aene ma'etamo talobai, 'anabwa'ayoi gete tuga geya'abo ta'ita'ita, nate emisa 'ai'aila.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

1 Yoni 3:3

'Ida emisa yage gete manuna 'enega 'ida bubuna tagie'esasedi, nadigega Keliso.