Loma 8:2 - Loina Tabu Auwauna NT

² Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

Loma 8:2 Kruisverwysings

Yoni 4:10

Ta Yesu waine Samelia nina 'ieonena, 'igwae, “'Eguma 'umwalamwalatoni Yaubada 'ina oboboma 'emuya, ta wate 'abo 'umwalatonina 'aene yaita 'abo'agu numa manuna yasidasidawa, 'oyo esi 'ilobwenemu be 'eguya 'uda sida bwasi yawasiyo manuna, be yada 'ebwa'eyo.”

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Yoni 6:63

Ta Yaluyaluwa Tabuna tauna yawasimi 'ana to'ebwaya, ta bwalami nigeya sida lememi. 'Igu ona gete ni'atu ya'ebwa'emi, be 'enega ona nidi Yaluyaluwa Tabunega yawasimi sida 'ebwa'emi.

Yoni 8:32

'Enega 'omi mwalatoi 'ai'aila wada mwalatoni, be gete 'enega li'ama wada loba.”

Yoni 8:36

Nadigega tuga 'eguma natunana 'ili'amimi, 'omi ni'atu li'ali'ama 'ai'ailimi.”

Loma 16:3

Ta wate 'igu oboboma Pilisila be Akuila 'ediya wada simane, taudi lowa ma'egwao Yesu Keliso manuna 'aetoguinuwa,

Loma 3:27

'Enega mwa'adega, 'ilobweneda taonatu'e yage gete manuna? Nigeya sa'i! Manuna 'ida emisa namo 'enega 'i'awa palupaluyeda, ta nigeya loina 'ana ematamatana 'enega.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

Loma 6:22

Ta gete tuga to'umalina nina 'ina loina 'enega ni'atu wagumwala, ga 'omi batuwa Yaubada 'ina toguinuwao, be 'enega e'isa bobo'ana waloba, nate bubuna bobo'ana be wate yawasi ataya.

Loma 7:21

Yage getedi ni'atu sie'ita 'ai'ailigu 'aene to'ase bobo'ana nuwanuwagu be yaguinuwe, 'iabe to'umalina tuga yada guinuwe.

Loma 7:23

ta esi mali loinao 'ediyega welawela'agwao siloinegu. Tuta yauna lotoona to'umalina 'ateguya 'iewaiwai wawasae be 'igu nuwanuwa bobo'ana 'igieneneta, 'enega bwalagu 'iguiguinuwa to'umalina.

Loma 7:4

E'ita gete 'ilobwene 'ai'ailimi, manuna gete tuga 'omi ni'atu Mosese 'ina loinega wagumwala, manuna Keliso oona ma'emi wamwawasa ga wate ma'emi mwawasega watoolo limana. Totoolo limana nina tauna 'ida 'Inapwana auwauna, be 'enega ma'edai Yaubada 'ina guinuwa 'ena tada gwaunuwa 'ai'aila.

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

2 Kolinita 3:17

Ta 'Inapwana tauna yaluyaluwa, ta 'Inapwana nina Yaluyaluwana 'ada toli'ama,

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

Galetia 2:19

Manuna Mosese 'ina loina nina ni'atu 'iloemwawasigu, ga muliyega 'ina waiwai 'eguyega 'igumwala, be 'aene yawasi 'ai'aila yaloba Yaubada manuna.

Galetia 5:1

Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

Galetia 6:2

'Ami 'aa'aalao 'ediya wada elemalema magosemiyao, manuna gete 'ada loina Keliso 'enega, ta 'ilobweneda be taguinuwe.

Yemesa 1:25

Ta Yaubada 'ina loina palupaluna ga 'enega 'ida to'umalinao 'ediyega 'ili'amida. Ta 'abo yaita loina nina manuna 'inuwanuwa ta 'iguiguinuwa, ta nigeya 'ida nuwapupulaya, tauna tai nina 'ina guinuwa maibo'ana gwausowala daisinamo.

E'ita'ita 11:11

Ta 'asiyata 'etoi be tupwana sigumwala, ga Yaubada yawasina 'ediya 'i'ebwaya, ga sitoolo, 'enega tomota yaudi si'itedi, ta simatauta sinabwana.

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,