Loma 7:4 - Loina Tabu Auwauna NT

⁴ E'ita gete 'ilobwene 'ai'ailimi, manuna gete tuga 'omi ni'atu Mosese 'ina loinega wagumwala, manuna Keliso oona ma'emi wamwawasa ga wate ma'emi mwawasega watoolo limana. Totoolo limana nina tauna 'ida 'Inapwana auwauna, be 'enega ma'edai Yaubada 'ina guinuwa 'ena tada gwaunuwa 'ai'aila.

Loma 7:4 Kruisverwysings

Madiu 26:26

'Etamo si'e'ai ta Yesu masula 'i'ewena ga manuna 'iona oboboma ta 'igitomwena ga 'ina tononoyao 'i'ebwa'edi, 'igwae, “Gete oogu wa'ewa be wa'a'ani.”

Maki 4:20

“Ta atu nidi bwa'a bobo'ana 'ena sibe'uya 'atuwa tomota nidi taudi ma idi 'atetagwala Yaubada 'ina ona sinonona, 'enega uwadi bobo'ana ta yauna siuwaedi. 'Aina uwadiyao teti, ta 'aina sikisiti, ta 'aina analedi.”

Yoni 15:8

'Abo wamuliya 'ai'ailigu, uwami 'ida bobo'ana, be 'enega Tamagu 'ina waiwai tomota sida 'ita.

Yoni 3:29

Yesu tauna tuga nadigega toai me'olotona ta 'abo'agu gosiyana, 'enega tetelina yanonona ga ma igu gwausowala sinabwana. Nadigega tuga toai me'olotona mwanena 'ilobai, 'enega 'eguma toai 'enana 'ebweu gosiyana 'inonoi, gosiyana manuna 'ida gwausowala.

Yoni 6:51

'Abo'agu yawasimi 'ana masula galewega yamwa'utama, be 'abo yaita masula nina 'i'a'ani yawasina ataya 'ida 'ewa, ta masula nina ya'ebwa'emi bwalagu tuga, ta bwalagu yatagwalena me bale'u yauyaumi yawasimi manuna.”

Loma 6:11

'Omi wate nadigega wada nuwa'i'isi 'aene Yesu Keliso ma'edai tamwawasaya, 'enega bubuna to'umalina 'edega 'ilosa'u, 'enega Yesu Keliso ma'edai Yaubada 'ena mayawasida tamiyami.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

Loma 6:2

Nigeya sa'i! Manuna bubuna to'umalina ni'atu 'edega 'igumwala, 'enega nigeya sawesawenaya be 'edaya wate 'ida miyami.

Loma 6:22

Ta gete tuga to'umalina nina 'ina loina 'enega ni'atu wagumwala, ga 'omi batuwa Yaubada 'ina toguinuwao, be 'enega e'isa bobo'ana waloba, nate bubuna bobo'ana be wate yawasi ataya.

Loma 7:3

Ta 'abo waine nina mwanena 'imiyami be mali tai 'iai, nate ni'atu 'iloelata. Ta esi 'eguma mwanenana 'imwamwawasa be mali tai 'iai nate nigeya loelata, manuna gimi mwanena ni'atu 'ina loina 'enega 'igumwala.

Loma 7:6

Ta esi gete tuga loina nina ni'atu 'edaya 'igumwala, manuna lowa loina nina 'enega 'atuwa 'iyonida ga tamwawasa Keliso ma'eda, 'enega Keliso nina 'ada yona 'ili'amina ga gete tuga sawesawedaya be taguinuwa 'ai'aila, manuna Yaubada Yaluyaluwana 'ina waiwai 'edaya 'imiyami, ta esi Mosese 'ina loina nina 'eto'etoladina nigeya 'ina waiwaimo be 'igie palupaluyeda.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

1 Kolinita 10:16

Manuna 'eguma sakalameni manuna talokagutoki Yaubada 'enaya be tanunuma, nate Keliso lalanega 'igiebobo'aneda be Keliso ma'eda tae'ebweuna. Nadigega beledi, 'abo tagitomwa be ta'a'ani, beledi nina 'enega Keliso ma'eda tae'ebweuna, manuna tauna oona tae'ani.

2 Kolinita 11:2

Manuna 'omi nuwanuwagu, nadigega Yaubada nuwanuwana 'abo'ada, 'enega ni'atu yasawa eyaiyemi Keliso 'enaya, be 'omi 'atuwa gomagweine 'ebweu nadigega 'ina bubuna bobo'ana maibo'ana tai ma'iyana sida ai.

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.

Galetia 5:18

Nate namo 'eguma Yaluyaluwa Tabuna 'ianuganemi, Mosese 'ina loinao sigugumwala 'emiyega.

Epeso 2:15

Tauna oona 'ana loemwawasa 'enega Mosese 'ina 'etobodao maibo'adi 'ikweudi, ga tauna 'iegogoneda be taeboda 'ebweuna tauna ma'edai, ta nigeya nadigega lowa boda 'eluwa simiyami, ta gete tuga tamiya siwalowa,

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 4:17

'Igu ona gete nigeya 'aene nuwanuwagu 'ebwayadaita wada 'ebwa'egu, ta esi 'aene 'imi 'ebwayadaita uwana 'emiya 'ida sinabwa 'ami lema 'ai'aila manuna.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Kolose 1:22

ta Yesu oona 'ina mwawasa 'enega 'i'au'ewemi ga Yaubada ma'emi waegosigosiyana limana, ma imi bubuna bobo'ana ta 'esasena matanaya,

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

Kolose 2:14

ta 'ida lowaga 'ana loina mwauna 'i'upwa yaulena, ga 'ana kelose 'ena 'itutu epa'iyena.

Kolose 2:20

Lowa wamwawasa Keliso ma'emiya 'enega bubuna bale'u 'ina loina 'emiya ni'atu 'ilosa'u, ta to'ase manuna 'etamo waguiguinuwa 'atuwa me bale'u 'idi guinuwa nadigega?

Ibeliu 10:10

Ta Yaubada 'ina nuwanuwa be Yesu Keliso bwalana 'italiyae sabi gie'esaseda 'ina mwawasa ma'ebweuna namo 'enega.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

E'ita'ita 19:7

Tada gwausowala be tada uyawana 'ai'aila ta wate tada 'awabobo'ane, Lami 'ina ai manuna, ta mwanena ni'atu 'ieiyalina 'idi ai manuna,

E'ita'ita 21:9

'Enega anilose nidi sebeni lowa 'elouya keigadi sebeni 'adi to'aalao 'ebweuna 'ediyega 'imai, ga 'ieonegu, 'igwae, “'Umai be Lami mwanena yae'itayo.”