Loma 7:2 - Loina Tabu Auwauna NT

² 'Enega 'ebe'ita 'ebweu gete tada 'ita ai manuna. Manuna Mosese 'ina loina 'ena 'igwae 'aene waine mamwanena sida miyami 'ana laba mwawasa, ta esi tuta nina 'abo mwanena 'imwamwawasa geya'abo wate loina 'enega 'ilobaloba.

Loma 7:2 Kruisverwysings

Loma 7:3

Ta 'abo waine nina mwanena 'imiyami be mali tai 'iai, nate ni'atu 'iloelata. Ta esi 'eguma mwanenana 'imwamwawasa be mali tai 'iai nate nigeya loelata, manuna gimi mwanena ni'atu 'ina loina 'enega 'igumwala.

Loma 7:6

Ta esi gete tuga loina nina ni'atu 'edaya 'igumwala, manuna lowa loina nina 'enega 'atuwa 'iyonida ga tamwawasa Keliso ma'eda, 'enega Keliso nina 'ada yona 'ili'amina ga gete tuga sawesawedaya be taguinuwa 'ai'aila, manuna Yaubada Yaluyaluwana 'ina waiwai 'edaya 'imiyami, ta esi Mosese 'ina loina nina 'eto'etoladina nigeya 'ina waiwaimo be 'igie palupaluyeda.

1 Kolinita 7:39

Ta 'abo yaita waine aiai nina ni'atu mwanena ma'iyana sie'ebweu ta 'abo tai 'imwawasa, waine nina sawesawenaya be 'iai limana. Nate namo 'ilobwenena be Yaubada 'ina tai 'ebweuna ma'iyana siai.

1 Kolinita 7:4

Manuna 'abo waine 'iai, nigeya sawesawenaya be tauna oona 'iloine, ta esiya mwanenana me'olotona 'iloina. Wate tai, nigeya sawesawenaya be tauna oona 'iloine ta esiya mwanena mewainena 'ida loine.