Loma 7:13 - Loina Tabu Auwauna NT

¹³ Ta mwa'adega sana loina nina bobo'ana ta 'iloemwawasigu? Ona'ai'aila, nigeya sawesawenaya be yage bobo'ana 'iloemwawasida, ta esi to'umalina 'ateguya loina bobo'ana 'ieyowena ga 'enega 'iloemwawasigu, 'enega tamwalatonina 'aene bubuna to'umali 'ai'ailina 'atedaya 'imiyami, ta loina 'enega tamwalamwalatoni 'aene to'umali wawasaena.

Loma 7:13 Kruisverwysings

Madiu 28:8

'Enega iine nidi ma idi matauta ta wate ma idi gwausowala 'ali'ali sipilisinena ga sipili manini be 'aene Yesu 'ina tononoyao 'ediya yage gete sida simana.

Luke 20:16

“Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.” 'Inapwanao nidi Yesu 'ina ona gete nadigega sinonona ga sigwae, “Ona'ai'aila, 'abo'ada geya'abo wate nadigega!”

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.