Loma 6:12 - Loina Tabu Auwauna NT

¹² 'Enega gete tuga geya'abo to'umalina bwalami 'iloiloinedi be 'aene 'imi yalakwaiyao wamulimuliyedi. Geya'abo sa'i!

Loma 6:12 Kruisverwysings

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

Loma 6:16

Ta wada nuwa'i'isi 'aene 'abo yaita 'ina loina 'ena watagwalemi, tauna 'enana wamuliye. 'Abo to'umalina wamuliye mwawasa waloba, ta 'abo emisa wamuliye bubuna bobo'ana waloba.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

Loma 8:13

'abona nai tamwamwawasa. Ta esi 'eguma bubuna tomotai taguitoyase be Yaubada Yaluyaluwana tamuliye, 'iabe Yaluyaluwanana 'enega 'ida bubuna tomotai nina taloemwawasi, be 'enega yawasida bobo'ana taloba,

2 Kolinita 4:11

Ona'ai'aila mayawasima tuta gete bale'uya, ta Yesu manuna tuta maibo'ana 'ediya talauwalao siloeloemwawasima, ta sa'i Yesu yawasina bwalama nenetadi solanaya 'ietaetapewa.

2 Kolinita 5:4

Ona'ai'aila, ma'etamo anuwa bale'u 'ena tamiyami ma ida 'elouyao be ma ida nuwanuwa yauna tuga, ta nigeya 'aene 'ada 'oamao taalolodi ta esi 'aene 'ada 'oama auwauna ta'ote, be 'enega bwalada sawasawalidi sida sa'ugelasa yawasida auwauna 'enaya.

Galetia 5:16

'Enega 'ilobwenemi be Yaluyaluwa Tabuna 'ianuganemi ta 'enega geya'abo yalakwaiyao siloiloinemi.

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.

Epeso 4:22

'Enega bubuna kadekadelina wada guitoyasedi, nate guinuwa nidi lowa waguiguinuwedi, tuta nina yalakwaiyao to'umalidi sigieto'umali 'ai'ailimi,

1 Tesalonaika 4:5

ta geya'abo ma imi yalakwaiya, nadigega tomotai nidi Yaubada 'ana toemwagemwageyao.

2 Timoti 2:22

'Enega tubuwau 'idi yalakwaiyao 'uguitoyasedi be bubuna palupaluna be emisa be oboboma be miyasiwalowa 'umuliyedi, be wate taudi Yesu si'awa 'inapwanena ma'ate'esasedi 'uetotowanedi.

Taito 2:12

ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

1 Pita 1:14

Ta Yaubada 'ena wada ematamatana ta geya'abo 'imi yalakwaiyao siloiloinemi, nadigega lowa 'imi tuta emwagemwage 'enaya.

1 Pita 2:11

Ta gosegwao 'emiya yada simana apwesa 'aene 'abo'ada bale'u gete 'enaya toesugalagala, 'enega 'imi yalakwaiyao nidi 'atemiya simiyami waguitoyasedi, manuna yaluyaluwami sietalauwaledi.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.