Loma 5:2 - Loina Tabu Auwauna NT

² Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Loma 5:2 Kruisverwysings

Madiu 25:21

“Ta 'inapwana nina 'igwae, ‘Bobo'ana, 'oyo togwaunuwa 'ai'aila ta palupaluna. Ni'atu 'uetapewa yage gidalidi 'ediyega, 'enega 'amu loina yage sinabwadi manudi ya'ebwa'eyo, be wate 'igu 'ebe gwausowala gete 'ena 'uda miyami.’

Yoni 10:7

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Yoni 10:9

'Enega wate 'ediya 'igwae, “'Abo'agu tuga 'awa nina, be 'abo yaita tauna 'eguyega 'iluguma 'ida bobo'ana, manuna tuta yauna 'iluguluguma be 'iapweapwesa ta pwatula bobo'ana 'ilobaloba.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Loma 14:4

ta wate tauna 'ina toguinuwao, 'enega tauna tuga 'adi to'ita'i'ita, ta 'oyo nigeya. Manuna tauna 'ina 'ebeloina be 'i'awa bobo'anedi nai nigeya, ta wate sawesawenaya be 'ida giewaiwaiyedi, be 'enega geya'abo neneta silobaloba.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

Loma 3:23

Manuna maibo'ada toto'umalida, ga tamiya 'edasola Yaubada 'ina maedana 'enega,

Loma 5:5

Nuwayaina nina gete nigeya 'ebweu wate nuwamwau 'ena 'imiyami, manuna Yaubada Yaluyaluwana 'itagwalena 'edaya, be 'enega 'ina oboboma sinabwa wawasae 'enega 'ateda 'iloemaedi.

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

Loma 8:24

Ona'ai'aila, 'etoseyana gete emisega talobaloba, manuna gete tuga ooda nigeya 'adi gieauwau talobaloba, 'enega ma ida emisa tada yamwayamwana 'ana laba 'ida emisa nina uwana taloba, be 'enega 'ida emisa 'ida losa'u.

1 Kolinita 15:1

Gosegwao, tetela nina ni'atu yasimanena 'emiya, wanuwa'i'isi 'aene lowa 'atemi watagwalena tetela nina 'enaya, ga 'igiepa'alimi be 'enega 'ami 'etoseyana 'ena waloba, 'abo tetela nina wagiyai'i'isi. Ta 'abo nigeya wada giyai'i'isina, 'imi emisao nidi yage besobeso.

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Epeso 3:12

be 'abo Keliso nina taemise ta'atepatu, be sawesawenaya talulugu Yaubada tauna matanaya, be tasidasida 'enaya.

Epeso 6:13

Gete manuna Yaubada 'ina gwegwe saiya maibo'ana wa'otedi, be 'aene geya'abo waneeneta tuta to'umalina ma'etamo 'enaya, ta 'enega ma imi waiwai watoolo pa'ala.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

E'ita'ita 21:11

Ta Yaubada 'ina esaesa maedanina 'asa nina 'enaya 'isaesae, ta 'asa nina tuyayalina, 'atuwa nadigega gulewa esaesa, ta 'inamanamala 'atuwa gelasi.

E'ita'ita 21:23

Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.

E'ita'ita 21:3

Ga 'ebemi esaesa 'enega 'enana sinabwana yanonona, 'igwae, “'U'ita, Yaubada be 'ina tomota ma'enao sida miyami, manuna tauna ma'edi, be taudi 'ina tomotaiyao. Ona'ai'aila Yaubada ma'edi,

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.