Loma 5:18 - Loina Tabu Auwauna NT

¹⁸ 'Enega tamwalamwalatoni 'aene 'ebweu tai 'ina to'umalina 'enega tomota maibo'adi sito'umalina. Nadigega tuga 'ebweu tai 'ina guinuwa palupaluna manuna tomota maibo'ada 'i'etoli'amida, be yawasida 'i'ebwa'eda.

Loma 5:18 Kruisverwysings

Yoni 1:7

Tauna tomota 'ediya 'imai be 'aene tomota 'ediya maedana manuna 'ida simana be 'enega tomota sida nono be 'idi emisa sida sa'u maedana nina 'enaya.

Yoni 12:32

Ta 'abo'agu 'abo bale'uyega sigitu'eyegu kaiwe 'enaya, tomota maibo'adi yalisidima be 'eguya simamai.”

Yoni 3:26

'Enega toegewagewana nidi Yoni 'enaya sitauya ga sieonena, sigwae, “'Inapwana, 'unuwa'i'isina tai nina lowa Yolidani mali esenaya ma'iyayo, ta 'emaya 'usimana apwesa tai nina manuna, tauna ni'atu tomota gete tuga 'igiegie bapitaisoedi, ga maibo'adi 'ina bapitaiso nuwanuwadi, ga 'enaya sitautauya.”

Guinuwa 13:39

be 'abo yaita tauna 'ena 'iemisa, 'ina loegesi 'ediyega 'ida li'ami, ta Mosese 'ina loina nigeya sawesawenaya 'ili'amimi.

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

Loma 4:25

Ta 'abo'ada 'ida to'umalina manuna Yesu 'imwawasa, ga mwawasega Yaubada 'igietoolo limena be gete 'enega 'igie'esaseda ga 'i'awa palupaluyeda.

Loma 5:12

Ta lowaenei bubuna to'umalina 'imai bale'uya 'ebweu tai 'enega, ta bubuna to'umalina nina mwawasa 'ime'ena, 'enega mwawasa 'isusaila tomota maibo'ada 'edaya, manuna maibo'ada tabubuna to'umalina.

Loma 5:15

Manuna lowa Adama 'ina to'umalina 'enega mwawasa 'igieapwesena tomota yauyaudi 'ediya, ga muliyega Yaubada 'ina 'atenuwa'ole'ole 'enega 'ina oboboma 'igieapwesena tomota yauyaudi 'ediya, nate tai 'eluwena 'enega, tauna Yesu Keliso. Ta yage 'eluwa nidi nigeya sieleleleya, manuna to'umalina mwawasa 'igieapwesena tomota yauyaudi 'ediya, ta esi 'ebwayadaita 'iewaiwai sinena.

Loma 5:19

Nadigega wate 'ebweu tai 'ina loinale'oa 'enega tomota maibo'adi sito'umalina, ta wate 'ebweu tai 'ina tagwalega tomota yaudi 'igie'esasedi.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

1 Kolinita 15:22

'Enega ni'atu tamwalatonina 'aene Adama 'ina to'umalina 'enega maibo'ada mwawasa 'edaya 'iapwesa, ta sa'i Keliso 'enega yawasida ataya talobena.

Ibeliu 2:9

Ta Yesu esi ni'atu ta'itena, 'aene tuta kukupana namo 'ena 'imiyaebusi aniloseyao 'ubunidiya, ta muliyega 'ana 'amayaba be 'ana tupu sinabwana 'ilobedi 'ina 'elouya be 'ina mwawasa 'ediyega. Nate Yaubada 'ina oboboma 'edaya, manuna Yesu mwawasa 'ana 'elouya 'ilotoona maibo'ada manuda.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

1 Yoni 2:20

Ta 'omi taudi nigeya nadigega, manuna ni'atu Yaluyaluwa Tabuna 'igiesinapumi, ga 'enega mwalatoi yauna wasinapudi,