Loma 5:13 - Loina Tabu Auwauna NT

¹³ Ta lowaenei Mosese 'ina loinao nigeya bale'uya simiyami ta to'umalina 'imiyami, ta esi Yaubada nigeya tomota 'i'awa'awa to'umaliyedi manuna nigeya 'ebweu wate loina 'ediya.

Loma 5:13 Kruisverwysings

Loma 3:20

Yaubada 'ina 'awapalupalu nigeya Mosese 'ina loinao 'adi ematamatana 'enega tada lobena, manuna loina 'ina guinuwa nate 'ida to'umalinao 'isimasimana apwesedi.

Loma 4:15

Manuna loina 'enega Yaubada 'ina gamwasowala 'edaya 'iapwesa, manuna loina nina tale'oena. Ta esi 'eguma Mosese 'ina loinao geya'abo 'isa'usa'udi, geya'abo wate taetoto'umalina.

1 Kolinita 15:56

Mwawasa 'ina waiwai 'iapwesama bubuna to'umalina 'enega, ta bubuna to'umalina Mosese 'ina loinao 'ediyega tamwalamwalatoni,

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.

1 Yoni 3:4

Ta esi toto'umalidi Yaubada 'ina loina sile'oale'oa, nate bubuna to'umalina.