Loma 4:6 - Loina Tabu Auwauna NT

⁶ Ta lowaenei ni'atu Debida 'isimanedi taudi Yaubada 'i'awa bobo'anedi nigeya 'idi guinuwa 'enega, ta esi 'idi emisega, 'idi gwausowala manudi 'isimana apwesena, 'igwae,

Loma 4:6 Kruisverwysings

Madiu 25:19

“'Enega tuta dudulana mulinaya 'idi 'inapwana 'iilama ga 'ienaidedi 'idi guinuwa 'adi e'isa manudi.

Loma 1:17

Ona'ai'aila, tetela gete 'ie'iteda 'aene 'ida emisa namo 'enega Yaubada 'ida 'awa palupaluyeda. Manuna Buki Tabu wate 'ina simana nadigega, 'igwae, “Topalupaluyao 'idi emisega yawasidi sida loba.”

Loma 3:27

'Enega mwa'adega, 'ilobweneda taonatu'e yage gete manuna? Nigeya sa'i! Manuna 'ida emisa namo 'enega 'i'awa palupaluyeda, ta nigeya loina 'ana ematamatana 'enega.

Loma 4:11

Ta lodaba nina 'atuwa we'iwe'iyaya 'ebweu 'ie'iteda 'aene Ebelaamo 'ina emisega 'awapalupalu 'ilobena Yaubada 'enega, ga muliyega lodaba 'i'ewena. 'Enega taudi nigeya lodaba si'ewa'ewa ta esi siemisa, 'idi emisega Yaubada 'ida 'awapalupaluyedi, be taudi Ebelaamo natu'ai'ailinao.

Loma 4:24

ta 'abo'ada wate manuda si'etoladina 'abo ma ida emisa Yaubada 'enaya, tauna 'ida 'Inapwana Yesu Keliso mwawasega 'igietoolo limena.

Loma 4:5

Ta esi tanuwanuwa 'abo yaita nigeya tauna 'ina guinuwao 'ediyega 'iemisa be 'aene 'ina to'umalinao 'ida kweudi, ta esi Yaubada 'iemisena tauna 'ina emisa 'enega Yaubada 'ida 'awa palupaluye.

Loma 4:7

“Togwausowala 'ai'aila taudi 'abo Yaubada 'idi to'umalinao maibo'adi 'inuwataudi ta 'ikweudi,

Loma 4:9

Ta gwausowala nina manuna Debida 'ionaupaupa, mwa'adega 'aene 'abo'ada me Yudia damo, lodaba ta'ewena, manuda? Nigeya! Ta wate taudi nigeya me Yudia ma'edao. Manuna ni'atu Buki Tabu 'isimana 'aene, “Ebelaamo 'ina emisa 'enega Yaubada 'i'awa bobo'anena.”

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Galetia 3:14

Be Yesu Keliso 'enega taudi nigeya me Yudia gwausowala siloba, nadigega gwausowala nina Yaubada 'iona upaupaena Ebelaamo 'enaya, 'aene maibo'ada 'ida emisega to'ase Yaubada 'iona upaupaenaya 'i'ebwa'eda, nate Yaluyaluwa Tabuna.

Galetia 4:15

Ona'ai'aila, wa'awa gosiyana 'ai'ailegu, be 'abo sawesawenaya matamiyega wada iwayauledi be wa'ebwa'egu, matagu to'umalidi 'adi lopa'elu. Ta gete tugai mwa'adega 'ida egosigosiyana nina?

Epeso 1:3

Gosegwao tada lokagutoki Yaubada 'enaya, tauna 'ida 'Inapwana Yesu Keliso Tamana, ga Keliso 'enega yaluyaluwada 'iobobomedi esaesa galewa maibo'adi 'ediyega.

Pilipai 3:9

ta wate nuwanuwagu Keliso ma'iyagu 'ada miyami, nigeya 'aene taugu 'igu bubuna palupalunega, nai Mosese 'ina loinao 'ediyega, ta esi emisa Keliso 'enaya 'enega, nate 'ida bubuna palupaluna Yaubada 'i'ebwa'eda 'ida emisa Keliso 'enaya manuna.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

Yemesa 2:18

Ta 'abo 'aidi tomota sigwae, “'Oyo ma imu emisa ta 'abo'agu ma igu guinuwa.” Ta 'abo'agu 'igu e'isa 'aene, “'Abo 'imu emisa nina nigeya guinuwa ma'iyana, mwa'adega 'ana bobo'ana? Ta 'abo'agu gete 'igu guinuwega 'igu emisa yae'itemi.”

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.