Loma 3:9 - Loina Tabu Auwauna NT

⁹ 'Enega 'abo'ada me Yudia mwa'adega 'ida miya taudi nigeya me Yudia 'idi miya 'ibobo'ana sinena? Nigeya! Manuna ni'atu yae'iteda 'aene maibo'ada toto'umalida.

Loma 3:9 Kruisverwysings

Luke 7:39

'Enega Palisi nina taunamo 'ena 'inuwanuwa kwaiya 'igwae, “Tai gete, 'eguma tauna palopita, 'ida mwalatoni waine gete 'igitogitoona tauna toto'umalina.”

Loma 1:18

Ta Yaubada wate galewega 'ina gamwasowala ni'atu 'ie'itaena taudi tobubuna geyogeyoi maibo'adi 'ediya, manuna taudi 'idi bubuna to'umalina 'ediyega bubuna palupaluna si'eto'etobode.

Loma 11:32

manuna tologwautoyasa maibo'ada gete nadigega Yaubada 'ibubuna'eseda be 'aene 'ina 'atenuwa'ole'ole 'ida e'itada.

Loma 11:7

Gete 'alena 'enega me Isileli maibo'adi 'etoseyana nina si'ebesa yogenena, ta esi 'abo'ama pu'epu'emamo Yaubada 'ina bodao esiesinuwama 'etoseyana nina 'alobena, manuna me Isileli nidi maibo'adi debadeba pa'alidi, ga nigeya silobaloba.

Loma 2:1

Tasigwao, geya'abo gosemiyao 'idi bubuna manuna walo'alo'aegila, manuna 'abo wanuwanuwa manudi 'omi wate taumi walo'aegilemi, manuna 'omi tuga nadigega taudi.

Loma 3:1

'Enega 'abo nadigega, to'ase sana 'ana bobo'ana 'abo'ada boda nida sieeseda me Yudia? Ta wate to'ase 'ana bobo'ana 'abo Ebelaamo 'ina we'iwe'iyaya bwaladaya silodabena?

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Loma 3:5

'Enega 'eguma 'ida bubuna to'umalina 'enega Yaubada 'ina bubuna bobo'ana 'igie apwesena, nai tada gwae, “Geya'abo Yaubada 'iloiloineda 'ida bubuna to'umalina manuna,” aga? (Ona'ai'aila, gete yaona besobeso 'atuwa nadigega 'aina tomota 'idi ona.)

Loma 6:15

'Enega mwa'adega tada bubuna'esa? Lowa loinao tale'oedi ta Yaubada 'ida to'umalinao 'inuwataudi, mwa'adega sawesawenaya be to'umalina tuga 'ena tamiyami? Nigeya 'ai'aila!

Loma 7:14

Mosese 'ina loina nina ni'atu tamwalatonina 'aene Yaubada Yaluyaluwana 'enega 'imai, ta esi 'abo'agu 'igu bubuna bale'u, 'enega yaetoguinuwa to'umalina 'enaya.

1 Kolinita 10:19

Ona'ai'aila, masula nidi taudi tomiya apwesa si'ebwa'ebwaya mali 'ebe emisao 'ediya, ta wate 'idi 'ebe emisao nidi, nai kaiwe nai gulewa, yage besobeso tuga, ta nigeya 'idi waiwaimo.

1 Kolinita 14:15

Ta 'ilobwenegu be ma igu mwalatoi be wate yaluyaluwaguyega yada sidasida, ta yada wali tuputupu Yaubada 'enaya yaluyaluwaguyega ta wate ma igu mwalatoi.

1 Kolinita 4:7

'Enega geya'abo wanuwanuwatu'e be 'aene gosemiyao wabobo'ana sinedi, manuna to'ase bobo'ana 'emiya simiyami, maibo'ana Yaubada 'enega walobena, 'enega geya'abo waonaona gagasa.

Galetia 3:10

Ta esi 'eguma yaisigedi sinuwena 'aene Mosese 'ina loina 'ana ematamatana 'enega sida bobo'ana, 'awato'umali namo sida loba, manuna Buki Tabu 'igwae, “Loina maibo'adi buki gete solanaya 'abo yaita nigeya 'imuliya 'ai'ailidi, 'awato'umali 'ida loba.”

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Pilipai 1:18

Ta tuwa tuga Keliso nina tetelina 'ana loguguya yauna manuna yagwaugwausowala, 'eguma kaboega nai ona'ai'ailega.