Loma 2:9 - Loina Tabu Auwauna NT

⁹ 'Enega taudi guinuwa to'umalina 'ana toguinuwao mwau be 'elouya sinabwana sida loba, nugana me Yudia be muliyega sena maibo'adi tomoteninao.

Loma 2:9 Kruisverwysings

Madiu 16:26

“'Eguma 'ida esaesao bale'uya sinabwa wawasae talobadi, nate yage besobeso, ta esi yage sinabwana nate yawasida bobo'ana. Manuna 'eguma yawasida bobo'ana taloseyedi, nigeya 'ebweu wate 'ana lopa'elu 'imiyami.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 13:26

“Tasigwao, 'omi Ebelaamo 'ina susuyao, be wate 'omi mali senega Yaubada 'ana to'amayabao, wanono 'aene 'etoseyana tetelina gete 'edaya ni'atu 'imai.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 26:20

ta esiya Damasiko 'enaya yagimi simanena, ga muliyega Yelusalema wate 'ena, ta Yudia senanao maibo'adi 'ediya, ta taudi nigeya me Yudia wate 'ediya yasimana, be 'aene 'idi bubuna to'umalina 'ediyega sida sanaila Yaubada 'enaya, be 'idi bubuna bobo'ana 'ediyega 'idi nuwa'ebuni sida e'itae.

Guinuwa 28:17

Ta 'asiyata 'etoi sigumwala, ga Paulo me Yudia 'idi toanuganao 'ibwau egogonedima, ga 'ieonedi, “Tasigwao, 'abo'agu nigeya 'ebweu to'ase to'umalina 'ida bodao 'ediya yaguiguinuwe, nai 'ida bubuna tubudao 'ediyega yale'oale'oai, ta wada 'ita, Yelusalema 'ena si'ebwayaegu me Loma 'ediya ga deliya sisa'ugu.

Guinuwa 28:28

'Enega Paulo ona nina wate 'iloeposeyanena, 'igwae, “'Enega wada mwalatoni 'aene Yaubada 'ina simana 'ada 'etoseyana, manuna ni'atu 'ietunena taudi nigeya me Yudia 'ediya, be taudi sa'i sida nono.”

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 10:12

Gete 'enega nigeya 'ebweu weyala 'edaya 'imiyami, 'abo'ama me Yudia be 'omi nigeya me Yudia gamwagamwanidaya, manuna maibo'ada tauna 'ida 'Inapwana, 'enega 'abo ta'awanoi 'enaya tauna 'ina esaesa 'ida 'ebwa'eda.

Loma 2:10

Ta nadigega tuga taudi 'idi bubuna bobo'ana, Yaubada nugana me Yudia 'adi tupu be 'amayaba be 'idi gwausowala 'ida 'ebwa'edi, be muliyega sena maibo'adi.

Loma 8:35

'Enega nigeya 'ebweu to yage sawesawenaya be Keliso 'ina oboboma 'edega 'iabodebodedi, nadigega taudi mwau nidi talobadi, 'elouya be, wasegigi be, botana be, egomabeso be, esilae be, mwawasa be,

Loma 9:24

'Enega boda 'eluwa 'ediyega 'ibwauyeda, me Yudia 'emega, ta 'omi nigeya me Yudia 'emiyega.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

2 Tesalonaika 1:6

Nadigega wate sa'i taudi 'ami togie'elouyao 'adi e'isa Yaubada 'igibugibubu be 'ina gamwasowala sida loba.

1 Pita 4:17

Ta ni'atu tuta 'imai saba be bwa'omatana 'ie'ale, be 'enega Yaubada 'ina tomotaiyao 'ida gimi bwa'omatada, be muliyega taudi 'ina tetela bobo'ana nigeya siemiemise, 'idi to'umalina 'ana e'isa mwau wawasae sida loba.