Loma 15:26 - Loina Tabu Auwauna NT

²⁶ Manuna me Masidonia be me Gilisi nidi nuwanuwadi be 'idi 'ebwayadaita nina yada 'ebwaya toekalesiyao gomagomabesodi Yelusalema 'enaya 'ediya,

Loma 15:26 Kruisverwysings

Madiu 25:40

“'Enega yada ona 'ediya be yada gwae, ‘Ona'ai'aila, 'eguma yaita 'oyo gosegwao gidalidi 'ebweuna 'ulemei, nate 'ena 'abo'agu wate 'ulemegu.’

Madiu 26:11

Togomabeso nidi waoneonediya tuta maibo'ana selabemiya simiyami, ta 'abo'agu esi nigeya tuta dudulana ma'emi tamiyami.

Luke 14:13

Ta esiya 'abo 'emasula 'uguinuwe, taudi gomagomabesodi be bwalobwalogodi be tolopegoi be wate tomatakebokebo 'uda bwauyedi,

Luke 6:20

'Enega Yesu 'ina tononoyao nidi 'iduneyedi ga 'ieonedi, 'igwae, “'Abo 'omi gomagomabesomi, wada gwausowala manuna Yaubada nimanaya wamiyami.

Guinuwa 16:12

ga Niapoli 'enega 'atauya Pilipai, tauna 'asa sinabwana sena Masidonia solanaya, ta 'asa nina solanaya me Loma toesugalagala yaudi simiyami, ga gote 'ena 'amiya ila 'aina 'asiyata.

Guinuwa 16:9

'Enega boiboiya si'eno'eno ga Paulo 'imadawala, ta 'ina madawala nina 'aene tai 'ebweu goma Masidonia 'i'itena, 'itoolo ta 'isidasida Paulo 'ena, 'igwaegwae, “'Uabalama Masidonia 'enaya be 'ulemema.”

Guinuwa 18:12

Tuta muliyega Galio 'ietoloina sinabwana sena nina Akaya 'enaya, 'enega me Yudia nidi siloina ga Paulo sitauyena sabi etala Galio nina matanaya,

Guinuwa 19:21

Muliyega Yaluyaluwa Tabuna Paulo 'ienuwa sa'uyena 'aene Masidonia be Akaya 'ediyega 'ida tauya, be Yelusalema 'ena 'ida apwesa, ga 'igwae, “Yanuganugana Yelusalema, ta yanuwena muliyega yatatauya Loma.”

Guinuwa 9:13

Ta Ananayasi nina 'igwae, “'Inapwana, tai nina tetelina tomota yaudi sieonegu, 'aene tai to'umalina, ga 'imu toemisao Yelusalema 'ena ni'atu 'ietalauwala wawasaedi,

1 Kolinita 16:15

Sitipana 'ina bodao wamwalatonidi 'aene taudi Keliso 'ana togimi emisao sena Akaya 'enaya, ta ni'atu sitagwaledi Yaubada 'ina tomotaiyao 'adi lema manuna,

1 Kolinita 16:5

Gete tuga nuwanuwagu be yatatauya Masidonia be muliyega yawawa 'emiya,

2 Kolinita 1:16

'Ebweuna 'igu 'adau Masidonia manuna 'ana tutaya, be 'eluwena 'aene Masidoniyega yailama 'emiya, be 'enega 'igu 'eda manuna walemegu be yatatauya Yudia.

2 Kolinita 11:9

Wate tuta nina 'imi senaya yamiyami ta yabotabotana, nigeya yada sida 'emiya, ta esi 'aina tasidao Masidonia 'enega simai ga lema si'ebwa'egu; manuna geya nuwagu be mwau 'emiya yasa'usa'u 'agu masula manuna. Lowa nigeya 'ebweu mwau 'emiya yasa'usa'u, be tuta simeemai 'ediya wate geya'abo yasa'usa'u.

2 Kolinita 2:13

ta esi yanuwanuwa sinabwana manuna tasigu Taito nigeya yalobaloba. 'Enega me Tiloasi yapilisinedi ga yatauya Masidonia.

2 Kolinita 7:5

Lowa 'amai Masidonia, nigeya 'ebweu wate 'ebe eyawai'ata 'alobalobai, ta sa'i wate miyamwau maibo'ana, nate losaiya sena yaudi 'ediya be matauta 'atemaya.

2 Kolinita 9:12

'Imi 'ebwayadaita gete 'enega toekalesiyao gomagomabesodi 'adi lema silobaloba, ta wate Yaubada 'ana tupu sinabwana 'ida apwesa.

2 Kolinita 9:2

ta wate yamwalatonimi 'aene 'ebwayadaita nina manuna wagwausowala, 'enega 'omi ya'awa bobo'anemi me Masidonia 'ediya, yagwae, “Sena Akaya 'ena taudi me Kolinita ni'atu sietapewa ga 'idi 'ebwayadaita sigibubuna yakwala 'igumwala 'enaya.” 'Enega yaudi 'ediyega wate nadigega siguinuwa'esa.

2 Kolinita 9:4

'Abo ma'etamo 'aina me Masidonia ma'egwao 'aweewa be si'italobami 'imi 'ebwayadaita nigeya wagibugibubuna, gete 'ebe omayamaya 'eguya ta wate 'emiya, 'igu gimisimana nina manuna.

Pilipai 4:15

'Omi me Pilipai ni'atu wamwalamwalatoni 'aene tetela bobo'ana 'ana simana'unu 'emiya 'enaya, tuta nina Masidonia yapilisinena, ga nigeya 'ebweu 'asa 'ana toekalesiyao 'idi 'ebwayadaita 'enega silemelemegu, 'adi lema 'eguyega 'ana e'isa manuna; ta 'omi namo me Pilipai walemegu.

1 Tesalonaika 1:7

'Enega 'omi 'ebe'ita bobo'ana, ga Keliso 'ana toemisao, sena Masidonia be Akaya 'ediya, sietotowanemi.

1 Tesalonaika 1:8

Ona'ai'aila, 'ida 'Inapwana tetelina ni'atu 'emiyega 'ilelewana me Masidonia be me Akaya 'ediya, ta wate 'omi 'imi emisa Yaubada 'enaya tetelina ni'atu 'i'elelewana sena maibo'ana 'ediya. 'Enega 'abo to sena 'ena 'atatauya, nigeya sawesawemaya manumi 'aemwaemwasala,

1 Tesalonaika 4:10

Nadigega wate tomota maibo'adi sena Masidonia solanaya waobobomedi. 'Enega 'ada lo'aetuetunemi be 'imi oboboma nina 'ena wada ewaiwai,

1 Timoti 1:3

Lowa tuta nina ni'atu be yapilisineyo be yatatauya Masidonia, ta yaemataluwemu, yagwae, “Geya'abo 'utautauya. Bada tuga Epeso 'ena 'uda miyami be 'aina tomota 'u'etobodedi be geya'abo mali e'itao sie'ie'itaedi,