Loma 15:19 - Loina Tabu Auwauna NT

¹⁹ ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

Loma 15:19 Kruisverwysings

Madiu 12:28

“Ta 'abo'agu esi Yaubada Yaluyaluwana 'ina waiwaiyega yaluyaluwa bi'i yaulaula apwesedi, 'enega wada mwalatoni 'aene Yaubada 'ina loina ni'atu 'iapwesama 'emiya.

Yoni 4:48

Ga Yesu tai nina 'ieonena, 'igwae, “Nigeya 'ebweu 'omi 'emiyega 'ida emisegu, nate namo 'eguma 'igu paisewa waiwaina 'ana we'iwe'iyaya wa'ita, be 'enega wada emisegu.”

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 13:14

Ta boda nidi Peliga sipilisinena ga Anitioki 'enaya siapwesa, nate sena Pisidia solanaya. 'Enega 'asiyata Sabate 'ena silugu me Yudia 'idi anuwa tapwalolo 'ena, ga simiyatowa.

Guinuwa 13:51

Ta muliyega be sena nina sipilisine, 'aedi nedilina siloutuutu yaulena 'idi senaya, nate 'ebe'ita toni'asao 'ediya, ga 'enega sitauya Ikoniami 'enaya.

Guinuwa 14:10

'enega Paulo 'enana sinabwana 'enega 'ibwaunao 'ena, 'igwae, “'Utoolo.” Ta tolopegoi nina 'itoolo manini ga 'iadadana.

Guinuwa 14:20

Ga muliyega Yesu 'ana tomuliyao simai ga Paulo sitoolo sakowasiyena, ta Paulo nina 'itoolo, ga 'ilugu limana 'asaya. Ta 'enega tomwa 'iulisina ga Banaba ma'iyana sitauya Dabi.

Guinuwa 14:25

ga 'asa Peliga 'ena siloguguya, 'enega sidolo Atalaya,

Guinuwa 14:6

Ta esiya alena sinonona ga sidena, ga sitauya Lakeonia 'asanao 'ediya, nate Lisitila be Dabi 'ediya,

Guinuwa 15:12

Ga maibo'adi simiya 'alaenono, ga muliyega, Banaba be Paulo siemwaemwasala edeededeyao be 'ebe nuwaowanao Yaubada 'iguinuwedi sena apwesa 'ediya 'idi guinuwega manudi.

Guinuwa 16:18

Gomagweine nina gete nadigega 'ibwaubwau 'asiyata yaudi 'ediya, 'enega Paulo 'ie'oata'oata, ga 'isanasakowasi, ta yaluyaluwa nina 'ieonena, 'igwae, “Yesu Keliso 'ana esanega yaloineyo be gomagweine nate 'enega 'uapwesa.” Ga gote tuta nina 'enaya 'iapwesa.

Guinuwa 17:10

Ta boiboiya toekalesiyao Paulo ta Sailasa sietunedi be sitatauya Belia, 'enega sitauya, ga tuta nina siapwesa Belia, silugu me Yudia 'idi anuwa tapwalolo 'ena, ga Yesu tetelina sie'ie'ita.

Guinuwa 17:15

'Enega 'aina toekalesiyao 'ediyega Paulo si'oayabuna ga sitauya Ateni, ta 'enega Paulo loina 'i'ebwa'edi be 'aene Sailasa be Timoti sida lomaninima Ateni 'ena, 'enega to'oayabu nidi siila Belia.

Guinuwa 18:1

Muliyega Paulo Ateni 'ipilisinena ga 'isakowasi Kolinita 'ena,

Guinuwa 18:19

'Idi 'adau nina 'ena nugana silugu Epeso, ga Akuila mamwanena sisuya ga simiyami, ta Paulo wate 'isuya ga 'ilugu me Yudia 'idi anuwa tapwalolo 'ena, ga 'itootoo be 'aene 'ilisidima be Keliso 'ena sida emisa, ta ma'ediya si'awa'awagwae.

Guinuwa 19:1

Apolosa 'etamo Kolinita 'ena 'imiyami, ga Paulo 'isakowasi senao 'aina mitawaya 'ediyega, ga Epeso 'enaya 'imai le'awaya. Gote 'ena 'aina Yesu 'ana tomuliyao 'ialobedi,

Guinuwa 20:20

ta sa'i nigeya 'ebweu to'ase 'Inapwana tetelina bobo'ana 'ana simana yaegagalena, ta esiya maibo'ana yae'itemi 'imi tapwalolo 'ediya, be wate 'imi anuwa 'ebweuna 'ebweuna 'ediya,

Guinuwa 20:6

Ta 'abo'ama Pilipai 'ena 'amiyami 'ana laba pwalawa daisinamo 'emasulina 'aguinuwena ga muliyega 'abo'ama wate 'agelu, ta 'asiyata nima soladiya 'apilipili, ga muliyega 'alugu Tiloasi, ga gosemao nidi 'alobedi, ga 'asiyata sebeni wate 'amiyami.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 15:16

be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

Loma 15:24

'enega nai gete tuga yada gimiyausimi, be tupwana ma'emiya tada egwausowala, be muliyega waegelugu be yatatauya Sipeini.

1 Kolinita 2:4

ta wate 'igu loguguya 'emiya nigeya ona waiwaidi nai mwalatoi 'ediyega, ta esi Yaluyaluwa Tabuna 'ina waiwaiyega.

2 Kolinita 12:12

We'iwe'iyaya nidi matamiya ma igu e'alama'i'ita yaguinuwedi, nate yage 'ebe nuwaowana ta guinuwa waiwaidi, be 'ediyega wada mwalatonigu 'aene 'abo'agu Keliso 'ana tosimana 'ai'aila.

Galetia 3:5

'Ebweu wate enaida: Yaubada tauna Yaluyaluwa Tabuna 'i'ebwa'ebwaya 'emiya, ta 'ina waiwaiyega 'imi guinuwa waiwaidi waguiguinuwedi. Mwa'adega 'ina 'ebwaya nidi 'emiya Mosese 'ina loinao 'adi guinuwa 'enega, nai Keliso tetelina 'ana emisa 'enega?

Kolose 1:25

Ta toekalesiyao 'omi manumi 'abo'agu wate Yaubada 'ina loinega yaetoanugana, be 'aene Yaubada 'ina ona yasimana apwese,

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.

Ibeliu 2:4

Ta Yaubada wate 'ie'ita 'aene ona nina ona 'ai'aila, nate we'iwe'iyaya be edeedede be guinuwa waiwaidi 'ediyega, ta wate Yaluyaluwa Tabuna 'ina eguyai 'edaya 'enega. Ta 'ina 'ebwaya nidi Yaubada 'ina nuwanuwa nadigega, ga Yaluyaluwa Tabuna yage nidi 'edaya 'ieguyaiyedi.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.