Loma 12:6 - Loina Tabu Auwauna NT

⁶ 'Ebweuna 'ebweuna 'abo'ada 'ida mwalatoi be 'ida waiwai Yaubada 'i'ebwa'eda, ta wate 'aidi 'adi egueguyai dumadumana 'i'ebwa'edi. Manuna 'abo yaita 'emiyega ma ina emisa be wate ma ina mwalatoi guguya manuna, ni'atu 'ana lobwene 'ai'aila be nadigega 'ida guinuwa.

Loma 12:6 Kruisverwysings

Madiu 23:34

'Enega palopitao be tomwalatoiyao be loina 'ana toe'itao yaetunediwa be 'enega 'aidi wada loemwawasidi, nai kelose 'ediya wada tutu epa'iyedi, be 'aidi 'imi anuwa tapwalolo 'ediya balaeyega wada unudi, be 'asa 'ebweuna 'ebweuna 'ediyega wada pa'idi.

Madiu 25:22

“Muliyega tai 'eluwena ma ina tu analedi kina 'iapwesama ga 'ana loeposeyana tu analedi kina wate 'ime'edi ta 'igwae, ‘'Inapwana, tu analedi kina 'u'ebwa'eguya ga 'ana loeposeyana tu analedi kina wate yalobena, ga gete.’

Luke 11:49

Yage getedi manudi Yaubada 'ina sinasinapu 'isa'una, 'igwae, ‘'Etamo 'aidi palopitao be 'igu tosimanao yaetunediwa, be 'aidi waloemwawasidi ta 'aidi wapa'idi.’

Guinuwa 13:1

'Asa Anitioki 'enaya, ekalesiya 'idi palopitao be toe'itao getedi: Banaba be Simioni (tauna sibwauyena Bwalagai) be Lusiasi (tauna goma Sailini) be Maneeni (tauna kini Elodi 'ana 'epata 'ebweu) ta Saulo.

Guinuwa 15:32

Ta Yudasa be Sailasa taudi sana wate palopitao, ga 'idi loguguya yauna 'ediyega toekalesiyao sigiewaiwaiyedi.

Guinuwa 2:17

‘Yaubada 'ina simana gete nadigega 'igwae, “Ma'etamo tuta 'ana 'ebe losalowa 'enaya, yaluyaluwagu yada 'etosiwa tomota maibo'adi 'ediya, be natumiyao me'olotodi nai mewainedi sida loguguya, be 'imi tubuwauyao sida 'enomata'ita'ita, ta 'imi 'inapwanao sida madawala.

Guinuwa 21:9

Ta Pilipi natunao site ata mewainedi, ta nigeya siaiai, ta 'idi guinuwa Yaubada 'ina nuwena sisimasimana tomota 'ediya.

Loma 1:11

Manuna nuwanuwagu be ya'itami be yada lememi, ta 'enega yaluyaluwami sida ewaiwai.

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

1 Kolinita 12:18

ta Yaubada gete nadigega 'inuwena ga welawela'ao maibo'adi 'idi guinuwa 'i'ebwa'edi.

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

1 Kolinita 14:1

'Enega 'ilobweneda be tatoo waiwai be tada eobooboboma 'ai'aila, ta wate tada toowaiwai be Yaubada Yaluyaluwana 'ina egueguyai 'edaya tada lobadi, ta esi egueguyai 'ebweuna bobo'ana wawasae, nate loguguya Yaubada 'ina ona manuna.

1 Kolinita 14:24

Ta 'eguma maibo'ada Yaubada 'ina ona taguguyae be 'aidi taudi nigeya Yesu 'ana toemisao siluguma be guguya nidi 'enadiyega sinonodi, sida sinuwa'ebuni be si'awa'ai'aila,

1 Kolinita 14:29

Ta wate tologuguyao 'eluwa nai 'etoi sida ona, be 'enega maibo'ami 'idi ona nidi wada nonodi, be manudi wada nuwanuwa.

1 Kolinita 3:5

Mwa'adega ga 'abo'agu be Apolosa manuma waegewagewana? 'Abo'ama topaisewa tuga 'Inapwana manuna. 'Inapwana nina 'ima paisewa 'i'ebwa'emaya dumadumadi be dumadumadi 'aguinuwedi, ga 'enega 'omi Keliso waemisena.

1 Kolinita 7:7

manuna nuwanuwagu be 'aene geya'abo waaiai, nadigega 'abo'agu nigeya yaaiai, ta sa'i maibo'ada 'ida miya dumadumadi Yaubada ni'atu 'i'ebwa'eda, be 'aima 'amiyamiya weweloe ta ma ima gwausowala, ta 'aimi waaai.

2 Kolinita 8:12

Geya'abo waonaona be wagwae, “Nigeya 'ebweu yage 'emaya be 'enega 'ada 'ebwayadaita.” Tuwa tuga wada etapewa be to'ase 'emiya 'imiyami 'ediyega wada 'ebwayadaita, be Yaubada wada giegwausowali.

Epeso 3:5

Ta sinasinapu nina 'epatao taudi sigumwalaya nigeya simwalamwalatoni, ga gete tuga Yaluyaluwa Tabuna 'igieapwesena 'ina tosimanao esiesinuwadi be palopitao 'ediya,

Epeso 4:11

Ta 'ina egueguyai gete nadigega, 'aina tomota sietosimana be 'aidi siepalopita be 'aidi sietologuguya be 'aidi sietoanugana be 'aidi sietoe'ita.

Pilipai 3:15

'Enega maibo'ada gete nadigega tada nuwanuwa leleleya, 'abo 'ida nuwanuwa ni'atu simatuwa. Be wate 'eguma to'ase manuna 'imi nuwanuwa dumadumana, yage nina 'alena Yaubada wate ma'etamo 'ida e'ita 'emiya.

1 Tesalonaika 5:20

'enega 'eguma 'ebweu tologuguya e'ita auwauna 'iona apwesei, geya'abo waguiguitoyase,

2 Pita 1:20

Ta yage gete wada nuwasabwaleni 'aene palopitao 'idi ona Buki Tabu solanaya nigeya sawesawenaya taudamo 'adi gibui tamwalatonidi,