Loma 11:20 - Loina Tabu Auwauna NT

²⁰ Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Loma 11:20 Kruisverwysings

Luke 18:14

'Enega Yesu wate 'ediya 'igwae, “Ona'ai'aila, tai gete 'ina sidasida nina manuna 'ana 'awabobo'ana 'ilobena Yaubada 'enega, ta esi Palisi nina nigeya. Manuna 'abo yaita tauna 'igitu'eye 'iabe sida gimwa'ute, ta 'abo yaita tauna 'igimwa'ute sida gitu'eye.”

Guinuwa 18:6

'Enega siegewagewana ta si'awa kabokabo, ta Paulo 'ana 'oama 'iloutuutuna matadiya, nate 'idi loguitoyasa 'ana 'ebe'ita 'iguinuwena, ga 'ieonedi, “'Omi ma'etamo waesilae 'imi guitoyasa gete manuna, be nate taumimo 'imi loinega ta nigeya 'abo'agu 'igu loinega. 'Enega yaebesinemi be tetela yada tauye taudi nigeya me Yudia 'ediya.”

Loma 11:18

Ta esi oboboma nina 'emiya geya'abo manuna wanuwanuwatu'e, manuna nali nigeya sawesawenaya be 'ale 'iloine, ta esi 'ale 'ilobwenena be nali 'iloinedi.

Loma 11:21

'abona nai Yaubada 'ina kaiwe nali 'ai'ailinao ni'atu 'ilasedi 'ediyega 'omi 'ida elopa'eluyemi, ta wate 'omi 'ida lasa yaulemi.

Loma 12:16

be 'enega maibo'ami wada eoboobobomemi. Ta geya'abo wanuwanuwatu'e nai watootoo be waetoloina, ta esi taudi nigeya 'adi esanamo wada egosigosiyanedi.

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

Loma 3:3

Ta mwa'adega, 'abo 'aidi ni'atu Yaubada siguitoyasena, wanuwena 'aene Yaubada wate 'ida guitoyaseda aga?

1 Kolinita 10:12

'Enega 'abo yaita 'oyo 'unuwena 'aene ma imu waiwai 'utootoolo, 'uda 'ita'i'isiyo be geya'abo 'uneeneta,

1 Kolinita 15:1

Gosegwao, tetela nina ni'atu yasimanena 'emiya, wanuwa'i'isi 'aene lowa 'atemi watagwalena tetela nina 'enaya, ga 'igiepa'alimi be 'enega 'ami 'etoseyana 'ena waloba, 'abo tetela nina wagiyai'i'isi. Ta 'abo nigeya wada giyai'i'isina, 'imi emisao nidi yage besobeso.

1 Kolinita 16:13

Gosegwao wa'ita'i'isimi, be ma imi emisa 'ai'aila wada toolopa'ala be wada ewaiwai,

2 Kolinita 1:24

Nigeya 'aene 'aetoloina pa'alina 'emiya 'imi emisa be 'imi tapwalolo manudi, manuna ni'atu 'imi emisega watoolopa'ala, ta esi sabi lememi 'imi gwausowala manuna.

2 Kolinita 10:5

'Ida gwegwe nidi 'ediyega sawesawedaya taewaiwaisine bubuna to'umalina, egewagewana be onalaga, nate yage nidi Yaubada 'ana emisa si'etobodena, ta esi tomota 'idi nuwanuwao tagibunidi be Keliso 'ina ona sida ematamatanedi.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

Kolose 2:7

manuna Keliso nina 'imi emisa 'alena, ta 'ana togiesinabwa, ta wate 'ana togiepa'ala, nadigega 'ae'ita'esemi, ga manuna walokagutoki sinabwana.

2 Tesalonaika 2:4

Yaubada 'ana saiya ta wate 'ebe emisa maibo'adi 'adi saiya, 'enega tauna 'ida gitu'eye be Yaubada 'ina Anuwa Tabu 'enaya 'ida miyatowa, be 'ida etoloina 'atuwa Yaubada.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

Ibeliu 3:12

Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

Ibeliu 3:19

'Enega tamwalamwalatoni 'aene taudi nigeya silugulugu, manuna nigeya siemiemisa.

Ibeliu 4:11

Ta 'ilobweneda be tatoo waiwai be 'ebe eyawai'ata nina taloba, ta geya'abo 'ebweu yaita 'ilooguitoyasa, 'abona nai 'ibebe'u, nadigega taudi lowaenei sibe'u'esa.

Ibeliu 4:6

Ona'ai'aila, 'ebe eyawai'ata nina 'imiyami be 'aidi namo siloba, ta taudi tetela sigimi nonona ta loina sisinalinaya geya'abo silobaloba.

Yemesa 2:19

'Oyo 'uemisa 'aene Yaubada 'ebweuna namo tuga, aga? Ga nate bobo'ana. Ta 'unuwa'i'isi 'aene Taumudumudulele ma gosenao taudi wate 'idi emisa nadigega, ta wate ma idi matauta.

Yemesa 4:6

Ta esi Yaubada 'ina lema 'edaya sinabwa wawasae, manuna Buki Tabu 'ena 'isimana, 'igwae, “Yaubada togagasa 'ediya 'i'etoboda, ta esi tonuwamwa'uta 'ediya 'itagwala be 'ida lemedi.”

1 Pita 1:17

'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.

1 Pita 5:12

'Imi leta gidalina gete Sailasa 'ilemegu ga ya'etoladina manumi. Tauna Sailasa nina taeesena 'aene 'ebweu tasidai ma ina emisa. 'Enega 'imi leta gete 'ena nuwanuwagu be Yaubada 'ina oboboma 'ai'aila yada simane 'emiya, be 'enaya wada toolopa'ala.

1 Pita 5:9

Ta geya'abo wamatamatauta, ta 'imi emisa 'ena wada toolopa'ala, manuna wada mwalatoni 'aene gosedao taudi Yesu 'ana toemisao mwau nidi silobalobadi sena maibo'adi 'ediya.

E'ita'ita 18:7

Ta wate 'ina ona gagasa be 'ina sogala 'adi e'isa 'uda 'ebwa'e, uya be dedoi, manuna taunamo 'ena 'igwae, ‘'Abo'agu kuwini, nigeya wate kwabula 'ina sena 'ena yamiyami, ta wate geya'abo dedoi yalobaloba.’

E'ita'ita 3:17

“Ta 'omi wagwae, ‘'Abo'agu toesaesa, ta yage yauna sawesaweguya,’ ta nigeya wamwalamwalatoni 'aene 'omi gomagomabesomi tuga, ta nuwa'ole'olemi sa'i, ta wate matakebokebomi be mabubugewami.